ميثاق ولائحة الموقع !!! مجلس الإدارة


العودة   موقع البركل > منتديات البركل > الـمنتدى العــــام
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 08-29-2009, 12:04 PM
الصورة الرمزية خضر سعيد طه
خضر سعيد طه خضر سعيد طه غير متواجد حالياً
Senior Member
 
تاريخ التسجيل: Jul 2008
الدولة: جده
المشاركات: 2,616
إرسال رسالة عبر مراسل Yahoo إلى خضر سعيد طه
افتراضي النافعاب ... حزيمه ... من المسؤول


بسم الله الرحمن الرحيم
اللهم صل على محمد وعلى آله وصحبه أجمعين

زمان ... زمان قوى .. كان الناس حافظين قرى ريفي كريمه ومروي
القطر ساعة يصل تلقه الكواريك ... كل ناس عربية منطقه ... يكوركه ... المقل حزيمه البخيت مقاشي
الزومه الكرفاب الاراك البرصه ..البار جلاس والله جلاس البار الاركي
النافعاب الركابيه موره كوري ... وغيرن من القري
الطلبه بالمدارس الداخليه (بنات ولاد) يزور بعض ويتعرف على قرى بعض
كنه نتباري والله نتشارط في من يحفظ القرى وبسرعه
المدارس كانت تسوى رحلات لمناطق الاثار
الفنانين كان يتنقل من قريه لاخري وكل من يسمع يمشى
الرميه دي ياعملات دكتور البوني فشان اخونا المهندس عناني
شايفه زعلان والله النقول ماخد على خاتره من بت شبا فشان قالت ماسمعت بي حزيمه
وبعد الشفته وسمعتو عزرته بت شبا وكل الجيل الجديد ليهم حق والف حق

نبدأ برحلة اسرتي الي البركل وكريمه والسد وزيارة النافعاب
هل تصدق ياعناني انو مالقو زول يعرف النافعاب وين تقع
مع انو اخونا علي النافعابي .. ده اسمو المسجلو فى المنتدي (النافعابي)
حتى بتاعين العربات والمفروض يكون على معرفه بكل القري فشان المشاوير
مابعرفه النافعاب ... حزنت للغايه ... لان النافعاب وكل القري كانت ليه زيط وليه شنه ورنه
ومعروفه ... والله ليه اسماعين حسن قال ... ودالمبارك شيخ الظهر شوفني جنيت والله دستر كان بالنافعاب
النافعاب الظهرت فى الخرتوم بحري .. دي نافعاب دكتور نافع لاعلاقه لها بنافعاب كنار شرق كورتي

والشي المحزن اكثر ... الوصف الوصلني من اسرتي عن النافعاب
بعد ماكانت تعج بالناس حتى الداره فى اللعوب تلقي فيه تلات واربعه وخمس بنات يرقصن ويمرقن ويجن غيرن
والشباب والنوبه والطار ... وغيره الكتيييييير
الطلبه للمدارس بنات وولاد ... الابتدائي والمتوسط (الثانوي العام )
ناس الخلوه ... ده كلو رااااااح فى حق الله
دنيا ... وكل زمن بي ناسو ... بلا نقول الله يعدل الحال ويرجع
بالله شوف ها المتناقضات ... البلد اليوم فيه الكهرباء والمويه بالمواسير وشارع زلط
ومافيه ناس ... ده كلو كوم والجايه كوم لانو يفقع المراره
ولدي الكبير محمد ... قال كبير قال ... قالي بابا ... اماني كلمة بابا ماقعد تفور دمي ...ابوي دي ماله
المهم اهتم بزيارة اخوه عمر وامه واخته للبلد وكان متابع للتفاصيل الصغويري
قام قالي انته مروي دي قريبه من مدني ( لانو اخواني واخوالي في مدني )
ختيت ايدي فوق راسي ... لاحول ولاقوه دي ولادة شنو دي حتي مروي وكلو يوم
فى التلفزيون افتتاح وافتتاح وماك عارف مروي وين تطير عيشتك والله تطير عيشتي
الجايبلي ولادي زي دي ... لاكن نرجع ونقول من المسؤول عن ده كلو
بت شبا ماتسمع بي حزيمه
ناس البركل وكريمه مايعرف وين النافعاب بالشرق والله بالغرب
ولدي ( ماشي للجامعه) مايعرف موقع مروي وين فى خريطة السودان
رايك شنو ياعناني
وبالمحبه نتواصل
رد مع اقتباس
  #2  
قديم 08-29-2009, 12:36 PM
الصورة الرمزية كسلاوي
كسلاوي كسلاوي غير متواجد حالياً
Senior Member
 
تاريخ التسجيل: Jul 2009
المشاركات: 10,019
افتراضي

اقتباس:
المشاركة الأصلية كتبت بواسطة خضر سعيد طه مشاهدة المشاركة

بسم الله الرحمن الرحيم
اللهم صل على محمد وعلى آله وصحبه أجمعين

زمان ... زمان قوى .. كان الناس حافظين قرى ريفي كريمه ومروي
القطر ساعة يصل تلقه الكواريك ... كل ناس عربية منطقه ... يكوركه ... المقل حزيمه البخيت مقاشي
الزومه الكرفاب الاراك البرصه ..البار جلاس والله جلاس البار الاركي
النافعاب الركابيه موره كوري ... وغيرن من القري
الطلبه بالمدارس الداخليه (بنات ولاد) يزور بعض ويتعرف على قرى بعض
كنه نتباري والله نتشارط في من يحفظ القرى وبسرعه
المدارس كانت تسوى رحلات لمناطق الاثار
الفنانين كان يتنقل من قريه لاخري وكل من يسمع يمشى
الرميه دي ياعملات دكتور البوني فشان اخونا المهندس عناني
شايفه زعلان والله النقول ماخد على خاتره من بت شبا فشان قالت ماسمعت بي حزيمه
وبعد الشفته وسمعتو عزرته بت شبا وكل الجيل الجديد ليهم حق والف حق

نبدأ برحلة اسرتي الي البركل وكريمه والسد وزيارة النافعاب
هل تصدق ياعناني انو مالقو زول يعرف النافعاب وين تقع
مع انو اخونا علي النافعابي .. ده اسمو المسجلو فى المنتدي (النافعابي)
حتى بتاعين العربات والمفروض يكون على معرفه بكل القري فشان المشاوير
مابعرفه النافعاب ... حزنت للغايه ... لان النافعاب وكل القري كانت ليه زيط وليه شنه ورنه
ومعروفه ... والله ليه اسماعين حسن قال ... ودالمبارك شيخ الظهر شوفني جنيت والله دستر كان بالنافعاب
النافعاب الظهرت فى الخرتوم بحري .. دي نافعاب دكتور نافع لاعلاقه لها بنافعاب كنار شرق كورتي

والشي المحزن اكثر ... الوصف الوصلني من اسرتي عن النافعاب
بعد ماكانت تعج بالناس حتى الداره فى اللعوب تلقي فيه تلات واربعه وخمس بنات يرقصن ويمرقن ويجن غيرن
والشباب والنوبه والطار ... وغيره الكتيييييير
الطلبه للمدارس بنات وولاد ... الابتدائي والمتوسط (الثانوي العام )
ناس الخلوه ... ده كلو رااااااح فى حق الله
دنيا ... وكل زمن بي ناسو ... بلا نقول الله يعدل الحال ويرجع
بالله شوف ها المتناقضات ... البلد اليوم فيه الكهرباء والمويه بالمواسير وشارع زلط
ومافيه ناس ... ده كلو كوم والجايه كوم لانو يفقع المراره
ولدي الكبير محمد ... قال كبير قال ... قالي بابا ... اماني كلمة بابا ماقعد تفور دمي ...ابوي دي ماله
المهم اهتم بزيارة اخوه عمر وامه واخته للبلد وكان متابع للتفاصيل الصغويري
قام قالي انته مروي دي قريبه من مدني ( لانو اخواني واخوالي في مدني )
ختيت ايدي فوق راسي ... لاحول ولاقوه دي ولادة شنو دي حتي مروي وكلو يوم
فى التلفزيون افتتاح وافتتاح وماك عارف مروي وين تطير عيشتك والله تطير عيشتي
الجايبلي ولادي زي دي ... لاكن نرجع ونقول من المسؤول عن ده كلو
بت شبا ماتسمع بي حزيمه
ناس البركل وكريمه مايعرف وين النافعاب بالشرق والله بالغرب
ولدي ( ماشي للجامعه) مايعرف موقع مروي وين فى خريطة السودان
رايك شنو ياعناني
وبالمحبه نتواصل

شيخنا الخضر ..السلام عليكم ورحمة الله وبركاته.. وتقبل الله منا ومنكم الصيام والقيام..آمين
ترتيب المناطق من كريمة كما يلي:
كريمة - البركل - شبا - عسوم - مروي شرق - الطريف - الدتي - الكرو - الدهسيرة - الزومة - مقاشي - حزيمة - البخيت - المقل- الحجير - الاراك - الكرفاب - البرصة - ام درق- البار - جلاس - الأركي- النافعاب -الركابية - مورة - السدر - كوري- الهو - العفاض - علي نارتي- ترقس- ابكر - الدفار - ارقي - سلب -ابو عاج - تنقسي - بنقنارتي ...دنقلا العجوز .
رد مع اقتباس
  #3  
قديم 08-29-2009, 07:04 PM
الصورة الرمزية أبو أيمن
أبو أيمن أبو أيمن غير متواجد حالياً
Senior Member
 
تاريخ التسجيل: Oct 2007
الدولة: المملكة العربية السعودية
المشاركات: 2,502
افتراضي

ياااااخسارة يالخدر...بي شايقيتك القحة دي...ولدك مابيعرف مروي وين؟؟؟؟؟
عاد دي مسؤليتك إنت....
كمان يالخدر الجايي أكبر...خاصة كان شفتا الظلط الجديد دا جايي بي فوق شويي القري بعيدة منو يمكن يجي كيلو وأحياناً نصف كيلو غايتو مابتعرف نفسك قصاد وين....
لكن بيني وبينك يبقالي الناس بترجع ماتخاف.....الخرتوم بقت طاردة والبلد بقت جاذبة...أنا جيت قريب من هناك... أبشر بالخير بس ديرو بالكم علي العيال وجهزوهم للمرحلة الجايي .
__________________


لاتلم كفّي إذا السيف نبا=صحّ مني العزم والدهر أبى
رد مع اقتباس
  #4  
قديم 08-29-2009, 08:24 PM
الصورة الرمزية عوض جلاس
عوض جلاس عوض جلاس غير متواجد حالياً
Senior Member
 
تاريخ التسجيل: Sep 2007
المشاركات: 21,310
افتراضي

الخدر كيف حالك
والله فعلاً ماساة ما يحدث من عدم معرفة أهل الشمال للقرى هناك
أنا برضو كتير من الناس يسألوني عن بلدنا اقول ليهم البرصة يطلعوا ما عارفينها وين
إلا تقعد توصف شرق كورتي وجنب جلاس حتى الواحد يعرفها
المهم زمان الواحد لمان يجي بالعربية في قرية وما عارفها بيسأل دي وين بيوروها ليهو
أسع المشكلة زادت إنو شارع الظلط بقى فوق في صوف الخلا
وتجي ماشي في القرى ما تعرف نفسك وين إلا باللوحات الكاتبنها في الدرب
حتى البيوت تشوفها رهاب رهاب
وأظن الحكاية دي حتعقد المسألة زيادة
يعني لو جايي واحد جديد الشمالية يمكن من يفوت مروي شرق
تاني ما حيشوف ليهو قرية لاحدي ما يوصل أرقي
غايتو الله يعين الجيل الجايي
قلت لي حزيمة الناس ما عارفنها ؟؟؟ كان كدي معذورين كان ما عرفو جهاتنا ديك
تقبل مودتي
رد مع اقتباس
  #5  
قديم 08-30-2009, 09:29 AM
الصورة الرمزية خضر سعيد طه
خضر سعيد طه خضر سعيد طه غير متواجد حالياً
Senior Member
 
تاريخ التسجيل: Jul 2008
الدولة: جده
المشاركات: 2,616
إرسال رسالة عبر مراسل Yahoo إلى خضر سعيد طه
افتراضي

اقتباس:
المشاركة الأصلية كتبت بواسطة كسلاوي وارد البركل مشاهدة المشاركة

شيخنا الخضر ..السلام عليكم ورحمة الله وبركاته.. وتقبل الله منا ومنكم الصيام والقيام..آمين
ترتيب المناطق من كريمة كما يلي:
كريمة - البركل - شبا - عسوم - مروي شرق - الطريف - الدتي - الكرو - الدهسيرة - الزومة - مقاشي - حزيمة - البخيت - المقل- الحجير - الاراك - الكرفاب - البرصة - ام درق- البار - جلاس - الأركي- النافعاب -الركابية - مورة - السدر - كوري- الهو - العفاض - علي نارتي- ترقس- ابكر - الدفار - ارقي - سلب -ابو عاج - تنقسي - بنقنارتي ...دنقلا العجوز .



بسم الله الرحمن الرحيم
اللهم صل على محمد وعلى آله وصحبه أجمعين
والله ماشاء الله عليك يا ابزرد رصيتن ولا اجعص كمسنجي
كمان لو قال كدي واحد نزلنه خريطه شرق وغرب النيل للمصلحه العامه
سعيد للغايه بمشاركتك
وبالمحبه نتواصل
رد مع اقتباس
  #6  
قديم 08-31-2009, 08:28 AM
الصورة الرمزية واصل هاشم
واصل هاشم واصل هاشم غير متواجد حالياً
Senior Member
 
تاريخ التسجيل: Apr 2008
المشاركات: 2,409
افتراضي

عمنا العزيز خضر
عساك طيب وما عندك اي عوجة ان شاء الله
موضوع معرفة قرانا دي بالجد مشكلة كبيرة للجيل الجديد الما عندو اي ارتباط بالمنطقة
قبل كدا ود عمي نادر رشاد فتح بوست في نفس الموضوع دا و كمان الاستاذ علي ود بت الكاتب ما قصر ونزل خريطة كاااااااااااملة بالمنطقة وقراها شرق وغرب النيل
دي الخريطة نقلاً عن مداخلة الاستاذ علي ود بت الكاتب

اقتباس:
ــــــــــــــــ
الحقوق محفوظة للاستاذ علي ود بت الكاتب

ورابط البوست السابق هو
http://albrkal.com/vb/showthread.php?t=90

وكمان في موقع تاني فيهو تسمية للمناطق وكمان حتي الواحد منكم ممكن ينزل موقع بيتهم والساقية حقتهم واي شي ويا ريت ننتهز الفرصة دي ونسمي المعالم المهمة في قرانا خدمة للجيل الجديد
ودا الموقع

http://wikimapia.org/#lat=18.4828652...7&z=13&l=0&m=b

رد مع اقتباس
  #7  
قديم 08-31-2009, 09:40 AM
عنانى عنانى غير متواجد حالياً
Senior Member
 
تاريخ التسجيل: Jul 2009
المشاركات: 227
افتراضي

الخدر اخوى ....
حلاة البوست الليلك ده ...
والله يا الخدر انا انقطعت من البلد زمن طويل خلاس ...
وسنة الفين لمان رجعنا لانشاء المدينة السكنية التابعة للخزان ...
اول شى فكرت فيهو امشى حزيمة ...
قطعت بالبنطون ...
ومجرد ما مرقت من المشرع وجيت على البيوت ...
دموعى جرن يا الخدر ...
اتجاذبتنى مشاعر كتيرة ما ليها حد ...
شى ذكريات وشى حنين وشى تاريخ وشى عادات وشى تواصل ...
ولامن قبلتا على حزيمة يا الخدر مار بى شبا والدتى وعسوم وكجبى والكرو والدهسيرى والزومة ومقاشى ...
بقيت اعاين للدراب المهدم داك يا الخدر ...
بيوت فاضية من ساكنبها حتى طوير الجنى خلاها يالخدر .....
ولاقدام كدى بئر معطلة وقصر مشيد يالخدر ...
الوكت كان عصير يا الخدر لمان عديت بالبنطون متوجه لى حزيمة ....
الدرب يطلع وينزل وانا سايق عربيتى مرات القالى نويسين واقفين فى الدرب وانا ماشى ارفعلهم ايدى وهم يعابنو لى بى استغراب ...
ومرات يا الخدر اعاين لا تحت ...
التمر عطشان ...
والجريد الناشف من شدة ما كتر يا الخدر مابتعرف التمرة دى حيى ولا ميتى ...
وقدر ما اركز وانا سايق فحال اشوفلى زول قاعد يحشلو فى قش ما القاهو ...
ده شنو ده هو يا الخدر ياخوى ....
الغريبة وانا ماشى العصير كت خايف يلاقينى حمار مقاطع الدرب من لافوق وسيدو مندلى ...
لامن وصلت حزيمة يا الخدر مالالقانى ولا حمار واحد سيدو راكب فوقو مندلى ...
وصلت حزيمة يا الخدر واتوقعت ما القالى زول فى البويتات الفضلن ماهولات لا اسع ...
فى الباس الليل العنيناب يوجد 14 بيت كبير ...
الفيهن ناس هسع ستة بيوت ...
وتمانية خاوية على عروشها وهجرا حتى الطير ...
وصبن دموعى يا الخدر ...

اندليت ...
ولامن وصلت الجزيرة وانا ماشى بالتنقير اعاين يمين وشمال ما لاقانى ولا زول ...
زمان زى الساعة دى بى كترت اللفيت والعييين فى الطرح الملونة القاعدى تحش فى القش رقبتنا توجعنا ...
وبى كترت السلام للقراعين يومنا كلو يروح ....
مالقيتلى اى زول اقولو هوى سلام ....
ده شنو ده يا الخدر اخوى ....
وصلت الجزيرة ولقيت عمى ومريتو وحدن قاعدين يكاوقولن فى قشيش وكلو واحد مدى ضهرو للتانى ....
بعدما سلم وغابت الشمس طلعنا لافوق ...
وشربنا شاى المغرب واتعشينا بى لبينى بى فطيرات ...
والبلد صاااااانى لامن اذن الفجر ...
وانا راجع على مروى اتمنيت القالى زول قبل شرقتا مندلى ....
لامن وصلتا الدتى ملاقانى غير فرد مريى ضعيفى كدى شايلى منجلا ومندلى .... ده شنو ده يا الخدر اخوى
رد مع اقتباس
  #8  
قديم 08-31-2009, 09:58 AM
الصورة الرمزية احمدسيداحمد
احمدسيداحمد احمدسيداحمد غير متواجد حالياً
Senior Member
 
تاريخ التسجيل: Apr 2009
المشاركات: 509
إرسال رسالة عبر مراسل ICQ إلى احمدسيداحمد إرسال رسالة عبر مراسل Yahoo إلى احمدسيداحمد إرسال رسالة عبر Skype إلى احمدسيداحمد
افتراضي سبب الكارثة المدارس

السبب في هذه الكوارث المدارس التي سحبت منها مادة الجغرافيا في مدارس الاساس واستبدلت بمادة اسمها نحن والعالم المعاصر يختلط فيها التاريخ بالجغرافيا والاساتذة الذين يدرسون غير مؤهلين فكيف يعرف الطلبة خريطة السودان . واصبحت مادة الجغرافيا تدرس في الثانوي فقط .وانا لم ادرس الجغرافيا الا في الثانوي وكانت خريطة السودان الموجودة في المقرر تشتمل علي مناطق البترول فقط ولا تبين فيها مناطق السودان والذي عرفته من المدرسة عن الجغرافيا كان اجتهاد من استاذنا
رد مع اقتباس
  #9  
قديم 08-31-2009, 10:02 AM
الصورة الرمزية واصل هاشم
واصل هاشم واصل هاشم غير متواجد حالياً
Senior Member
 
تاريخ التسجيل: Apr 2008
المشاركات: 2,409
افتراضي

اقتباس:
المشاركة الأصلية كتبت بواسطة احمدسيداحمدعثمان مشاهدة المشاركة
السبب في هذه الكوارث المدارس التي سحبت منها مادة الجغرافيا في مدارس الاساس واستبدلت بمادة اسمها نحن والعالم المعاصر يختلط فيها التاريخ بالجغرافيا والاساتذة الذين يدرسون غير مؤهلين فكيف يعرف الطلبة خريطة السودان . واصبحت مادة الجغرافيا تدرس في الثانوي فقط .وانا لم ادرس الجغرافيا الا في الثانوي وكانت خريطة السودان الموجودة في المقرر تشتمل علي مناطق البترول فقط ولا تبين فيها مناطق السودان والذي عرفته من المدرسة عن الجغرافيا كان اجتهاد من استاذنا
يا احمد اخوي انا درست المقرر القديم قبل التسميات الجديدة دي
خريطة السودان اللاقتنا ما فيها اي تفاصيل عن الحاجات دي
ما تشيل شوكك وتغزو في المدرسة براها

رد مع اقتباس
  #10  
قديم 08-31-2009, 10:28 AM
الصورة الرمزية احمدسيداحمد
احمدسيداحمد احمدسيداحمد غير متواجد حالياً
Senior Member
 
تاريخ التسجيل: Apr 2009
المشاركات: 509
إرسال رسالة عبر مراسل ICQ إلى احمدسيداحمد إرسال رسالة عبر مراسل Yahoo إلى احمدسيداحمد إرسال رسالة عبر Skype إلى احمدسيداحمد
افتراضي

اقتباس:
المشاركة الأصلية كتبت بواسطة واصل هاشم مشاهدة المشاركة
يا احمد اخوي انا درست المقرر القديم قبل التسميات الجديدة دي
خريطة السودان اللاقتنا ما فيها اي تفاصيل عن الحاجات دي
ما تشيل شوكك وتغزو في المدرسة براها

تحية لك اخ واصل
الكارثة انو الكتاب مافيهو معلومات كافية عن خريطة السودان والمدارس مافيها اطلس عشان يتعلموا منه الطلاب
رد مع اقتباس
  #11  
قديم 09-01-2009, 08:55 AM
الصورة الرمزية خضر سعيد طه
خضر سعيد طه خضر سعيد طه غير متواجد حالياً
Senior Member
 
تاريخ التسجيل: Jul 2008
الدولة: جده
المشاركات: 2,616
إرسال رسالة عبر مراسل Yahoo إلى خضر سعيد طه
افتراضي

اقتباس:
المشاركة الأصلية كتبت بواسطة أبو أيمن مشاهدة المشاركة
ياااااخسارة يالخدر...بي شايقيتك القحة دي...ولدك مابيعرف مروي وين؟؟؟؟؟
عاد دي مسؤليتك إنت....
كمان يالخدر الجايي أكبر...خاصة كان شفتا الظلط الجديد دا جايي بي فوق شويي القري بعيدة منو يمكن يجي كيلو وأحياناً نصف كيلو غايتو مابتعرف نفسك قصاد وين....
لكن بيني وبينك يبقالي الناس بترجع ماتخاف.....الخرتوم بقت طاردة والبلد بقت جاذبة...أنا جيت قريب من هناك... أبشر بالخير بس ديرو بالكم علي العيال وجهزوهم للمرحلة الجايي .



بسم الله الرحمن الرحيم
اللهم صل على محمد وعلى آله وصحبه أجمعين

أبو أيمن ... والله محنتني عديل وماعرفت اللقوله وكل مره ادخل وامرق
ياخي مالك علي .. ختيت المسؤوليه فوق ضهري ... الموضوع كبيييييير وعريض
ومابعرف من وين نبدأ ... اتذكر نحنه فى كورتي الاوليه درسونا صديق في القولد
ومنقو زمبيري .. ومحمد قول فى شرقنا ..واحمد في ريري ..ومحمد فى الجفيل
والقائمه تطول ... ومنها عرفنا مناطق وجغرافية السودان
نجي علي الحيوانات .. مازلت متذكر جزء من قصيده ( فزعه يا ناس القوز)
نحنه طيور الماء قد خصنا الله بالغشاء ... كته حاسدن علي النعمه الفيه يطيرو ويعومو ويتقدلو فى الارض
ومنه حفظنا مملكة الحيوان ومملكة الطيور وغيره
بالاضافه الي ان اولاد البندر كانو يقضو اجازاتن في البلد
اسع ده كله راح ... عاد البيوريهم منو ..نحنه جري المعايش هادي حيلنه
بالمناسبه سفر اسرتي للبركل وكريمه والسد وزيارة النافعاب تجهيز للمرحله المقبله
والحمد لله رجع مبسوطين فوق ماتتصور .. وده ياه المطلوب
والشكر لاسرة المتدي ...
وبالمحبه نتواصل
رد مع اقتباس
  #12  
قديم 09-01-2009, 10:36 PM
الصورة الرمزية ود حمزه
ود حمزه ود حمزه غير متواجد حالياً
Senior Member
 
تاريخ التسجيل: Mar 2009
الدولة: uae-sharjah
المشاركات: 912
إرسال رسالة عبر مراسل MSN إلى ود حمزه
افتراضي

اقتباس:
المشاركة الأصلية كتبت بواسطة كسلاوي وارد البركل مشاهدة المشاركة

شيخنا الخضر ..السلام عليكم ورحمة الله وبركاته.. وتقبل الله منا ومنكم الصيام والقيام..آمين
ترتيب المناطق من كريمة كما يلي:
كريمة - البركل - شبا - عسوم - مروي شرق - الطريف - الدتي - الكرو - الدهسيرة - الزومة - مقاشي - حزيمة - البخيت - المقل- الحجير - الاراك - الكرفاب - البرصة - ام درق- البار - جلاس - الأركي- النافعاب -الركابية - مورة - السدر - كوري- الهو - العفاض - علي نارتي- ترقس- ابكر - الدفار - ارقي - سلب -ابو عاج - تنقسي - بنقنارتي ...دنقلا العجوز .
الخدر وكسلاوي تحياتي
اليكم بعض الصور (تصوير جوي) حاولت ام اسجل عليها أسماء البلدان والقري
استعانة بالله -لكن خبرتي لبعض المناطق 100% وبعضها نص نص لذا سوف اضع امامي خرطة الاخ ود بت الكاتب وترتيب الاخ كسلاوي وارجو ان تعينوني برايكم ومعرفتكم


ده الرسم الكروكي العمله مشكورا ود بت الكاتب .


ده منظر عام لي المنطقه من الحامداب الي ما بعد وادي المقدم


ود اسماء القري من البرصه الي الاراك قبلي قرية السعيداب


وده من اوسلي غرب النيل ال القرير في غرب النيل-لاحظ وضع سهم الشمال
__________________
فانظر إليّ بعين لطفك إنني * لعريض جودك آمل متعرض
رد مع اقتباس
  #13  
قديم 09-01-2009, 10:59 PM
الصورة الرمزية ود حمزه
ود حمزه ود حمزه غير متواجد حالياً
Senior Member
 
تاريخ التسجيل: Mar 2009
الدولة: uae-sharjah
المشاركات: 912
إرسال رسالة عبر مراسل MSN إلى ود حمزه
افتراضي

يلا اليقدر يكتب اسماء البلدان والقري الجايه ده يكون مشكور









__________________
فانظر إليّ بعين لطفك إنني * لعريض جودك آمل متعرض
رد مع اقتباس
  #14  
قديم 09-05-2009, 09:24 AM
الصورة الرمزية خضر سعيد طه
خضر سعيد طه خضر سعيد طه غير متواجد حالياً
Senior Member
 
تاريخ التسجيل: Jul 2008
الدولة: جده
المشاركات: 2,616
إرسال رسالة عبر مراسل Yahoo إلى خضر سعيد طه
افتراضي

اقتباس:
المشاركة الأصلية كتبت بواسطة عوض جلاس مشاهدة المشاركة
الخدر كيف حالك
والله فعلاً ماساة ما يحدث من عدم معرفة أهل الشمال للقرى هناك
أنا برضو كتير من الناس يسألوني عن بلدنا اقول ليهم البرصة يطلعوا ما عارفينها وين
إلا تقعد توصف شرق كورتي وجنب جلاس حتى الواحد يعرفها
المهم زمان الواحد لمان يجي بالعربية في قرية وما عارفها بيسأل دي وين بيوروها ليهو
أسع المشكلة زادت إنو شارع الظلط بقى فوق في صوف الخلا
وتجي ماشي في القرى ما تعرف نفسك وين إلا باللوحات الكاتبنها في الدرب
حتى البيوت تشوفها رهاب رهاب
وأظن الحكاية دي حتعقد المسألة زيادة
يعني لو جايي واحد جديد الشمالية يمكن من يفوت مروي شرق
تاني ما حيشوف ليهو قرية لاحدي ما يوصل أرقي
غايتو الله يعين الجيل الجايي
قلت لي حزيمة الناس ما عارفنها ؟؟؟ كان كدي معذورين كان ما عرفو جهاتنا ديك
تقبل مودتي

بسم الله الرحمن الرحيم
اللهم صل على محمد وعلى آله وصحبه أجمعين

والله ياعوض اخوي ...شي يحزن ويفقع المراره عدييييل
لكن نسوي شنو ... ماعندنا غير الدعاء ...
الدعاء على الكان السبب ... والدعاء ربنا يعدل الحال
سعيد بمداخلتك يا الحبيب ... رمضان كريم
وبالمحبه نتواصل
رد مع اقتباس
  #15  
قديم 01-25-2010, 06:50 PM
الصورة الرمزية خضر سعيد طه
خضر سعيد طه خضر سعيد طه غير متواجد حالياً
Senior Member
 
تاريخ التسجيل: Jul 2008
الدولة: جده
المشاركات: 2,616
إرسال رسالة عبر مراسل Yahoo إلى خضر سعيد طه
افتراضي

بسم الله الرحمن الرحيم
اللهم صل على محمد وعلى آله وصحبه أجمعين

ده كمان عن النافعاب
وبالمحبه نتواصل
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:25 PM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir