قوانين موقع البركل!!! مجلس الادارة

مهرجان جبل البركل - الحلم اصبح حقيقه !!! أزهرى يس


العودة   موقع البركل > منتديات البركل > منتدى الناشئين
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 03-25-2009, 04:32 PM
الصورة الرمزية خناس هاشم
خناس هاشم خناس هاشم غير متواجد حالياً
Senior Member
 
تاريخ التسجيل: Nov 2008
الدولة: الخرطوم
المشاركات: 774
افتراضي حكم وامثال سودانيه

اكيد كلنا بنسمع من امهاتنا وابواتنا الكتير من الاقوال والامثال السودانيه وكتير من الاوقات ما بنفهم معناها
اها الليله احنا عايزين نعرف بعض الحكم والامثال السودانيه ونشوفها بتتقال لى شنو واى واحد سمع ليهو بى مثل او حكمه يشاركنا بيها

اها نبدا
شوكت الشقى فى الكبده تتلقى
ودى بتتقال لى الزول الحظو كعب ودايما بلقى العوارض فى طريقو
التسوى كريت فى القرض تلقاهو فى جلدها
وكريت للما بعرفها هى الغنمايه
والمعنى انو الغنمايه لما تاكل من شجرة القرض وتتضرها الضرر ده بتلقاهو فى دباغه جلدها بى القرض وده بتقال لى الزول البيعمل ليه حاجه مضره ويجيه الجذاء من نفس نوع العمل

جارك القريب ولا ود امك البعيد
وده بتقال لى التاكيد على اهميه الجار الوصانا عليه الرسول صلى الله عليه وسلم
التسوى بى ايدك يغلب اجاويدك
اها وده بتقال لى الزول الشليق البسوى ليهو حاجه ويحتار ما يعرف يحلها او يمرق منها كيف
اب سنينه يضحك على اب سنينتين
وده بيتقال لى الزول العندو عيوب كتيره وبيضحك على زول عيوبو اقل منو
جنا الفار حفار
وده للولد البيشبه ابوهو فى افعالو
اها انا لى هنا اقيف وامشى وجيكم بى امثال واقوال تانيه وخلونا كدى النسال جدو ضمره وحبوبه ام عمار وعمو خالد عن امثال وحكم تانيه
__________________
لو تعلق قلب احدكم بالثريا لنالها
رد مع اقتباس
  #2  
قديم 03-25-2009, 08:01 PM
ضمره بغدادى ضمره بغدادى غير متواجد حالياً
Senior Member
 
تاريخ التسجيل: Sep 2007
المشاركات: 12,229
افتراضي

أبله خناس
الله يديكى الفى مرادك يابتى ....ماقصرتى مع اخيانك الله يديكى العافيه .
ايوه يا ولادى لازم تعرفوا الحاجات دى وتحفظوها وتخلوها فى بالكم وتقولوها فى مواعيده
اها انا كمان اللديكم اتنين تلاته ..لكن دايركم انتو البتجاوبو وتعرفولى معناه ومتين بنقولا .... سمح .
1/ الماعندو كبير يشتريلو كبير .
2/تاباها مملحة تآكله قروض .
3/ السعفى تتعقد هى لينى .
اها فتكم بالعافى .
__________________
رد مع اقتباس
  #3  
قديم 03-25-2009, 09:42 PM
الصورة الرمزية خالد البدوي بابكر
خالد البدوي بابكر خالد البدوي بابكر غير متواجد حالياً
Senior Member
 
تاريخ التسجيل: Jul 2008
المشاركات: 4,615
افتراضي

مشاركة حلوة ياخناس بجيك راجع ومعاي أمثال
__________________


سلام قولاً من رب رحيم


أبو التيمان

رد مع اقتباس
  #4  
قديم 03-26-2009, 09:46 AM
أم عمار أم عمار غير متواجد حالياً
Senior Member
 
تاريخ التسجيل: Feb 2009
الدولة: الخرطوم / السوق المحلي مربع 34م987
المشاركات: 598
افتراضي

بسم الله الرحمن الرحيم
اللهم صل على محمد وعلى آله وصحبه أجمعين
الإبنة /خناس
السلام عليكم ورحمة الله وبركاته
مساهمتك جميلة ومفيدة جعلها الله في ميزان حسناتك ؛؛؛؛ ولدي اقتراح بالمشاركه في تقديم اسئلة من التراث وسوف اقوم بتقديم الاسئلة وانتي تباشري مناقشة الحلول ومحاورة المشاركين وسوف ارسل لك الأجوبة في رسالة خاصة ارجو قبول طلبي هذا مع خالص شكري وتقديري ؛؛

وعربون مشاركة جيت شايلي قراصه بي ملوحه حاره وكوركت لي ضمره وخالد جايين يفطروا معانا ؛؛؛ البطان في المدارس ؛؛؛؛ جيبي البرش داك ختيهو جاي من الشمس
انتي ماعندك صحن غريق شوي اقلبي بشيشي القراصه دي فيهو ؛؛؛ وهاكي دا صحن الشطه والبصلة القليدي دي ختيها لي ضمره ؛؛؛؛؛
خناس ؛؛ تسلم ايديك ياحبوبه ملوحه سمحي والله اي يابتي جبتها من ناس عبد الكريم ؛؛خدمتم نضيفي ؛؛ ضمره عاد الليلي غداء ماني دايرو اتمليت ؛ تسلم ايديك ؛؛؛ عاد انا ماقاعدي اغلاها غلي شديد لمن تملص دهنا كلو وبعدين اقوم اجيها؛؛؛ عاد ياخالد وضمره يجاملوكم في السمح ؛؛؛؛؛ خالد الحمد لله وجزاءك الله خير ونحنا ياناس منتدي البراعم دايرين نكون متكاتفين عشان الاولاد ديل يحسو بروح العمل الجماعي

عاد اليوم طلبات ساكت مع الملوحه الكاربي دي ياخالد وضمره وخناس دايرين د.هديل
معانا عشان تشوف الداير نصيحي او عندو خوفه او يتصرف من غير ارادتو ؛؛؛ وخانة كبييييري ؛؛؛؛ كدي امشوا عليها ؛؛؛؛؛؛؛؛

ولكم التحايا؛؛؛؛؛

أم عمـــــا ر

التعديل الأخير تم بواسطة خالد البدوي بابكر ; 03-26-2009 الساعة 07:43 PM
رد مع اقتباس
  #5  
قديم 03-26-2009, 11:17 AM
الصورة الرمزية خناس هاشم
خناس هاشم خناس هاشم غير متواجد حالياً
Senior Member
 
تاريخ التسجيل: Nov 2008
الدولة: الخرطوم
المشاركات: 774
افتراضي

اقتباس:
المشاركة الأصلية كتبت بواسطة أم عمار مشاهدة المشاركة
بسم الله الرحمن الرحيم
اللهم صل على محمد وعلى آله وصحبه أجمعين
الأخت /خناس
السلام عليكم ورحمة الله وبركاته
أختي مساهمتك جميلة ومفيدة جعلها الله في ميزان حسناتك ؛؛؛؛ ولدي اقتراح بالمشاركه في تقديم اسئلة من التراث وسوف اقوم بتقديم الاسئلة وانتي تباشري مناقشة الحلول ومحاورة المشاركين وسوف ارسل لك الأجوبة في رسالة خاصة ارجو قبول طلبي هذا مع خالص شكري وتقديري ؛؛

وعربون مشاركة جيت شايلي قراصه بي ملوحه حاره وكوركت لي ضمره وخالد جايين يفطروا معانا ؛؛؛ البطان في المدارس ؛؛؛؛ جيبي البرش داك ختيهو جاي من الشمس
انتي ماعندك صحن غريق شوي اقلبي بشيشي القراصه دي فيهو ؛؛؛ وهاكي دا صحن الشطه والبصل القليدي دي ختيها لي ضمره ؛؛؛؛؛
خناس ؛؛ تسلم ايديك ياحبوبه ملوحه سمحي والله اي يابتي جبتها من ناس عبد الكريم ؛؛خدمتم نضيفي ؛؛ ضمره عاد الليلي غداء ماني دايرو اتمليت ؛ تسلم ايديك ؛؛؛ عاد انا ماقاعدي اغلاها غلي شديد لمن تملص دهنا كلو وبعدين اقوم اجيها؛؛؛ عاد ياخالد وضمره يجاملوكم في السمح ؛؛؛؛؛ خالد الحمد لله وجزاءك الله خير ونحنا ياناس منتدي البراعم دايرين نكون متكاتفين عشان الاولاد ديل يحسو بروح العمل الجماعي

عاد اليوم طلبات ساكت مع الملوحه الكاربي دي ياخالد وضمره وخناس دايرين د.هديل
معانا عشان تشوف الداير نصيحي او عندو خوفه او يتصرف من غير اراتو ؛؛؛ وخانة كبييييري ؛؛؛؛ كدي امشوا عليها ؛؛؛؛؛؛؛؛

ولكم التحايا؛؛؛؛؛

أم عمـــــا ر
حبوبه ام عمار تحيه لك بقدر ما تقدمينه من مجهود رائع فى هذا المنتدى جعله الله فى ميزان حسناتك باذن الله وانا ما عندى اى مانع على طلبك
بالمناسبه قراصتك وملوحتك طااااااااااااااااااعمه حلات الدنيا عليها تسلم يدك انشاءالله وفعلا بضم صوتى لى صوتك د. هديل ممكن تفيدنا كتيييييييييير للبطان ديل

ودمتم
ابله خناس
__________________
لو تعلق قلب احدكم بالثريا لنالها

التعديل الأخير تم بواسطة خالد البدوي بابكر ; 03-26-2009 الساعة 07:46 PM
رد مع اقتباس
  #6  
قديم 03-26-2009, 12:42 PM
الصورة الرمزية احمد بابكر الحسن
احمد بابكر الحسن احمد بابكر الحسن غير متواجد حالياً
Junior Member
 
تاريخ التسجيل: Mar 2009
الدولة: Malaysia
المشاركات: 17
إرسال رسالة عبر Skype إلى احمد بابكر الحسن
Talking

اول شي حابي اشكر الاخت/خناس على الحكم والامثال دي وكل اللي ادونا حكمه عالطاير كده

وانا حا اديكم كم وحدده كدا

1-المره كان فاس ما تقطع ليها راس
2-البياكل بي ضرسو ينفع نفسو


والله دي المستحضرها هسي لاكن اوعدكم بي الكتير ان شاء الكريم


ولكم تحياتي

التعديل الأخير تم بواسطة احمد بابكر الحسن ; 03-26-2009 الساعة 02:16 PM
رد مع اقتباس
  #7  
قديم 03-26-2009, 01:11 PM
اسراء بغدادى اسراء بغدادى غير متواجد حالياً
Junior Member
 
تاريخ التسجيل: Feb 2009
المشاركات: 3
افتراضي

شكرا ليك
الامثال والاحكام اللي زي دي بتفيدنا كثيرررر


لي عودة مع امثال انشاء الله
رد مع اقتباس
  #8  
قديم 03-28-2009, 07:05 PM
الصورة الرمزية خناس هاشم
خناس هاشم خناس هاشم غير متواجد حالياً
Senior Member
 
تاريخ التسجيل: Nov 2008
الدولة: الخرطوم
المشاركات: 774
افتراضي

يلا يا شباب راجين واحد يورينا معانى الامثال الختاها جدو ضمره
وانا جايبه ليكم زياده الليله

الخيل تجقلب والشكر لى حماد
ابوى امير وابوك امير مين يسوق الحمير
الطشاش فى بلد العمى شوف
بخيت شكروه قال داك شهر تانى
المال تلتو ولا كتلتو
الحسنه فى المنعول زى الشرا فى القندول
رزقا تكوس لو ورزقا يكوس لك
اها يلا ديل معناهم شنو او بنقولهم متين
يلا الحكايه فيها جوايز
__________________
لو تعلق قلب احدكم بالثريا لنالها
رد مع اقتباس
  #9  
قديم 03-31-2009, 12:50 PM
الصورة الرمزية ود حمزه
ود حمزه ود حمزه غير متواجد حالياً
Senior Member
 
تاريخ التسجيل: Mar 2009
الدولة: uae-sharjah
المشاركات: 912
إرسال رسالة عبر مراسل MSN إلى ود حمزه
افتراضي الابنه خناس تسلمي

اولا سلام
معليش انا جيت متأخر شويه لكن الموضوع المطروح عجبني. حبيت أشكر وأشارك.
أولا نحمد الله ان جعلنا مسلمين موحدين .
ونشكر الأخ ضمره والاخت ام عمار والابنه خناس علي هذا البوست الجميل فالناشئه هم فلذات أكبادنا وهم جيل المستقبل الرصيد الذي نعول عليه.
أمثال سودانيه جميله من التراث السوداني العريق. وأقوي شيئ استوقفني المثل بل الحكمه الجميله.
3/ السعفى تتعقد هى لينى ........ولو كتبت مليون مجلد في شرح هذه الحكمه لما اتممت شرحها...... يقابلها التعليم في الصغر كالنقش في الحجر
من شب علي شيئ شاب عليه -
فعلا تراثنا مليئ بالجميل الراثع عليكم الله يا أولادي اتأملوا معاي الغنا الجميل ده.

بوصيكم التور ابقرون اسعوا
وبصيكم الجار ان وقع شيلوا
بوصيكم لي ضيف الهجوع عشوا
بوصيكم الفات الحدود واسوا
كلام زي الرصاص الاخ ضمره يشرحوا ليكم .. تحياتي لكم جميعا.
__________________
فانظر إليّ بعين لطفك إنني * لعريض جودك آمل متعرض
رد مع اقتباس
  #10  
قديم 05-30-2009, 08:31 PM
الصورة الرمزية بنت النيلين
بنت النيلين بنت النيلين غير متواجد حالياً
Senior Member
 
تاريخ التسجيل: May 2009
الدولة: united Arab Emirates
المشاركات: 900
إرسال رسالة عبر مراسل MSN إلى بنت النيلين إرسال رسالة عبر مراسل Yahoo إلى بنت النيلين إرسال رسالة عبر Skype إلى بنت النيلين
افتراضي

اقتباس:
المشاركة الأصلية كتبت بواسطة خناس هاشم مشاهدة المشاركة
يلا يا شباب راجين واحد يورينا معانى الامثال الختاها جدو ضمره
وانا جايبه ليكم زياده الليله

الخيل تجقلب والشكر لى حماد
ابوى امير وابوك امير مين يسوق الحمير
الطشاش فى بلد العمى شوف
بخيت شكروه قال داك شهر تانى
المال تلتو ولا كتلتو
الحسنه فى المنعول زى الشرا فى القندول
رزقا تكوس لو ورزقا يكوس لك
اها يلا ديل معناهم شنو او بنقولهم متين
يلا الحكايه فيها جوايز
وردة منتدانا كيفنك وان شاء الله دائما مفرهدة ونديانة .. مو اضيعك دائما جميلة ومفيدة .. وهاكي المثل دا : يا حافر حفيرة السوء وسع مراقدك فيها ( ودي بمعني من حفر حفرة لاخيه وقع فيها) والمثل الثاني ادي العيش لخبازو ولو اكل نصفو . والمثل الثالث العود كان ما فيه شق ما بيقول طق والمثل الرابع الجمرة تحرق الواضيها والمثل الخامس الشايل قربة تخر على ضهرو .. مع تحياتي ولنا عودة
__________________
رد مع اقتباس
  #11  
قديم 06-29-2009, 06:41 AM
الصورة الرمزية عبد العظيم عرفات
عبد العظيم عرفات عبد العظيم عرفات غير متواجد حالياً
Senior Member
 
تاريخ التسجيل: Aug 2008
المشاركات: 4,255
افتراضي

اقتباس:
المشاركة الأصلية كتبت بواسطة خناس هاشم مشاهدة المشاركة
اكيد كلنا بنسمع من امهاتنا وابواتنا الكتير من الاقوال والامثال السودانيه وكتير من الاوقات ما بنفهم معناها
اها الليله احنا عايزين نعرف بعض الحكم والامثال السودانيه ونشوفها بتتقال لى شنو واى واحد سمع ليهو بى مثل او حكمه يشاركنا بيها

اها نبدا
شوكت الشقى فى الكبده تتلقى
ودى بتتقال لى الزول الحظو كعب ودايما بلقى العوارض فى طريقو
التسوى كريت فى القرض تلقاهو فى جلدها
وكريت للما بعرفها هى الغنمايه
والمعنى انو الغنمايه لما تاكل من شجرة القرض وتتضرها الضرر ده بتلقاهو فى دباغه جلدها بى القرض وده بتقال لى الزول البيعمل ليه حاجه مضره ويجيه الجذاء من نفس نوع العمل

جارك القريب ولا ود امك البعيد
وده بتقال لى التاكيد على اهميه الجار الوصانا عليه الرسول صلى الله عليه وسلم
التسوى بى ايدك يغلب اجاويدك
اها وده بتقال لى الزول الشليق البسوى ليهو حاجه ويحتار ما يعرف يحلها او يمرق منها كيف
اب سنينه يضحك على اب سنينتين
وده بيتقال لى الزول العندو عيوب كتيره وبيضحك على زول عيوبو اقل منو
جنا الفار حفار
وده للولد البيشبه ابوهو فى افعالو
اها انا لى هنا اقيف وامشى وجيكم بى امثال واقوال تانيه وخلونا كدى النسال جدو ضمره وحبوبه ام عمار وعمو خالد عن امثال وحكم تانيه
الاخت خناس هاشم
سلام الله عليكم
مشكورة على هذه الامثال والحكم وبصورة السرد الجيده
اطال الله عمرك
والله يديك العافية
__________________
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:27 AM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir