ميثاق ولائحة الموقع !!! مجلس الإدارة


العودة   موقع البركل > منتديات البركل > الـمنتدى العــــام
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 08-15-2011, 06:54 AM
الصورة الرمزية عبدالله عبدالعزيز خليفة
عبدالله عبدالعزيز خليفة عبدالله عبدالعزيز خليفة غير متواجد حالياً
Senior Member
 
تاريخ التسجيل: May 2010
المشاركات: 4,021
افتراضي نشادر..!

- وينا أبتسام ما شايفنًها الليلة فى صلاة التراويح..؟
-يمكن كسلت تجى الليلة من صلاة شيخ عبد الصمد الطويلى ..
- صلاة شنو ؟ وعبد الصمد شنو يا بت الناس - ابتسام راجلا رسًل ليها تجى تصوم باقى
رمضان وتعيد هناك فى دبى .

- والبطينين المالين البيت تخلًيهم مع منو ؟
- مالن خالاتن الاتنين البقرن فى الجامعة ما ب يقعدن يمسكوهن ليها لغاية ما تجى ..
- هى ما دام الله فتحا عليها ما تسوق شفًعا ديل تفسحن معاها ويشوفو بلاد الله ديك ..
- تسوق الكورجا دى معاها وهى ماشى لى راجلا ؟ دى ما بقت سفرة عاد ..!
- كدى النقوم نمشى نقفرا نشوف حالا ..
- حالا شنو يا بت أمى ..تلقاها قاعدى تتحكحك وتتملس وهاكى يا حنة وهاكى يا حفرة
دخان وساوند ..
- ما هو ساوند يا جاهلة يقولولو ساونا ..
- كلًو واحد ساوند وللا ساونا يا الجيهة فى الاخير الطلوع لمبة ترقش ..

- توعدنا يا رب بى سفرة زى حقت أبتسام دى ..لكن بى وين مع الراجل لقاعد مصنقر ليلو ونهارو فى السوق المركزى مع البامية والرجلة والملوخية ..

أبتسام جاتا رسالة فى الموبايل بنمرة الحجز على طيران الامارات ( سمحة القدرة )
الشنط أستفت . كرتونة فول السليم جاتا من كريمة بالسياحى من عمتا ..كرتونةالحلومر
والرقاق من النسيبة أم الراجل نسيبة السرور الاصلها ما غلًتت عليها ..

يوم السفر الحنًة منقوشة ( نفق عفراء ) ..بقت زرقا زى سواد الليل نانت ما كتًرولا النشادر بالحيل ومعطونة بى فتيلين محلبية ..
مشت المطار وركبت الطيارة ( الايربص) الما خمج ونزلت فى مطار دبى ..
من الطيارة ما نزلت سلم زى حقًنا داك طوالى من الطيارة الى داخل المطار ..السلم جارى
بيها ولى سلم تانى سايقا قدام لى محل الجوازات والشوق سايقا وسارحا معاهو .ما صحًاها علًى دقة الضابط على الباسبورت ..العفش دخل جهاز فحص العفش ..قام يكورك تيت ..
- يا زولة ..الكرتونة دى فيها شنو ؟؟

-فيها شنو كمان ما حلومر ورقاق بس .
الضابط حجز الكرتونة-جهاز كشف النشادر كشف نشادر فى الحلومر ..
- محظور يا أختى النشادر ( أمونيا ) من مواد تركيب العبوات الناسفة والمتفجرات.
ابتسام بقت أرهابية آخر زمنا ..ابتسام جايي ملاك حب ورسول مودة ورفيقة عشرة ..

الضابط قال ليها روحى كمان على جهاز الكشف الشخصى ..ختى النضارة والموبايل
فى السبت ..دخلت الجهاز ..الصفارة ظمبرت تيت .. تيت ..تيت ..
تانى تيت .. تيت وآ شقاوتك يا ابتسام ..الحنة النقوشة برضو فيها نشادر ( أمونيا )
تانى أرهاب يا ابتسام مع آخر عمرك ..؟ وانا جايي الرحلة السمحى دى وكلًى شوق
من راسى لى كرعى ..يجى النشادر يغلًط على ويمسخ على عيشتى ..
الحنانة قالت لى النقشة دى سميناها ( نفق عفراء ) لغاية ما دخلتنى فى النفق دا ..
والنسيبة كتًر خيرا الحلومر حقًها خللا خشمى ملح ..ملح مر مر ..
والله أنتن الاتنين مانى عافى منكن ..علًى راجلى موشغال فى مصنع الامونيا السائل فى دبى وقت تنتهى الاجازة أملأ ايديا الاتنين دهب والكراتين كلها مليانى نشادر .نشادر
رد مع اقتباس
  #2  
قديم 08-15-2011, 06:15 PM
الصورة الرمزية عبدالله عبدالعزيز خليفة
عبدالله عبدالعزيز خليفة عبدالله عبدالعزيز خليفة غير متواجد حالياً
Senior Member
 
تاريخ التسجيل: May 2010
المشاركات: 4,021
افتراضي رد

الدايره نشادر عند ناس ابتسام - الكيس بى 5جنيه ..


موبايل : 0999215784 شبكة فرتكانى
رد مع اقتباس
  #3  
قديم 08-15-2011, 07:35 PM
الصورة الرمزية عوض جلاس
عوض جلاس عوض جلاس غير متواجد حالياً
Senior Member
 
تاريخ التسجيل: Sep 2007
المشاركات: 21,080
افتراضي

دي حنة ولا خبيز مالاها نشادر كدي
وبعدين دبي دي قالوا لبن الطير فيها .. لي شنو شايلي النشادر معاها
سمعنا بي حنة محاسن ما شالت
لكن حنة ابتسام الإرهابية دي اول مرة نسمعبها
رد مع اقتباس
  #4  
قديم 08-16-2011, 07:28 AM
الصورة الرمزية عبدالله عبدالعزيز خليفة
عبدالله عبدالعزيز خليفة عبدالله عبدالعزيز خليفة غير متواجد حالياً
Senior Member
 
تاريخ التسجيل: May 2010
المشاركات: 4,021
افتراضي رد

اقتباس:
المشاركة الأصلية كتبت بواسطة عوض جلاس مشاهدة المشاركة
دي حنة ولا خبيز مالاها نشادر كدي
وبعدين دبي دي قالوا لبن الطير فيها .. لي شنو شايلي النشادر معاها
سمعنا بي حنة محاسن ما شالت
لكن حنة ابتسام الإرهابية دي اول مرة نسمعبها

أبتسام شايلا النشادر فى كرعيها حنًه وفى الكرتونة حلومر ..
حدًث ناس البرصة بالحلومر الجديد البكبًو فيهو النشادر عشان يخمر ..
رد مع اقتباس
  #5  
قديم 08-16-2011, 10:40 AM
الصورة الرمزية خضر سعيد طه
خضر سعيد طه خضر سعيد طه غير متواجد حالياً
Senior Member
 
تاريخ التسجيل: Jul 2008
الدولة: جده
المشاركات: 2,616
إرسال رسالة عبر مراسل Yahoo إلى خضر سعيد طه
Talking

بسم الله الرحمن الرحيم
اللهم صل على محمد وعلى آله وصحبه أجمعين

الباشمهندس / عبد الله ... كيفنك ورمضان كريم
انت ابتسام .. مادام مسافره في رمضان ماتسوق بطانه معاه
انت الابري اللحمر قعد يسوه فيه النشادر لي شنو
تصوم وتفطر علي خير
__________________

من أكثر من ذكر الله أحبه الله
رد مع اقتباس
  #6  
قديم 08-16-2011, 03:22 PM
عادل محمد الامين عادل محمد الامين غير متواجد حالياً
Senior Member
 
تاريخ التسجيل: Jun 2009
المشاركات: 4,520
افتراضي

يا باشمهندس أمن المطارات في الخليج كان متعود على الحطب الذي تحمله حمالات الحطب حكاية النشادر دي جديدة عليهم
رد مع اقتباس
  #7  
قديم 08-17-2011, 07:23 AM
الصورة الرمزية عبدالله عبدالعزيز خليفة
عبدالله عبدالعزيز خليفة عبدالله عبدالعزيز خليفة غير متواجد حالياً
Senior Member
 
تاريخ التسجيل: May 2010
المشاركات: 4,021
افتراضي رد

اقتباس:
المشاركة الأصلية كتبت بواسطة عوض جلاس مشاهدة المشاركة
دي حنة ولا خبيز مالاها نشادر كدي
وبعدين دبي دي قالوا لبن الطير فيها .. لي شنو شايلي النشادر معاها
سمعنا بي حنة محاسن ما شالت
لكن حنة ابتسام الإرهابية دي اول مرة نسمعبها

أفتح قناة france 24 ..
رد مع اقتباس
  #8  
قديم 08-17-2011, 07:28 AM
الصورة الرمزية عبدالله عبدالعزيز خليفة
عبدالله عبدالعزيز خليفة عبدالله عبدالعزيز خليفة غير متواجد حالياً
Senior Member
 
تاريخ التسجيل: May 2010
المشاركات: 4,021
افتراضي رد

اقتباس:
المشاركة الأصلية كتبت بواسطة خضر سعيد طه مشاهدة المشاركة
بسم الله الرحمن الرحيم
اللهم صل على محمد وعلى آله وصحبه أجمعين

الباشمهندس / عبد الله ... كيفنك ورمضان كريم
انت ابتسام .. مادام مسافره في رمضان ماتسوق بطانه معاه
انت الابري اللحمر قعد يسوه فيه النشادر لي شنو
تصوم وتفطر علي خير
أخونا الفاضل .الخدر ود سعيد :

السلام عليك ورمضان كريم ..

النشادر فى الحلو مر بشيل المققة حقت العجين ..
وأكان مكضًبنى اسعل زولك النافعابى الغاتس مننا فى العين وما لاقنًو ..

- تسوق بطانا كيفن يا الخدر أخوى هى اللوضة حقت الراجل واحدى وقدًاما لقدابة
يختًو الخرابين ديل وين ..دى ما كانت سفرة عاد !
رد مع اقتباس
  #9  
قديم 08-17-2011, 07:31 AM
الصورة الرمزية عبدالله عبدالعزيز خليفة
عبدالله عبدالعزيز خليفة عبدالله عبدالعزيز خليفة غير متواجد حالياً
Senior Member
 
تاريخ التسجيل: May 2010
المشاركات: 4,021
افتراضي

اقتباس:
المشاركة الأصلية كتبت بواسطة عادل محمد الامين مشاهدة المشاركة
يا باشمهندس أمن المطارات في الخليج كان متعود على الحطب الذي تحمله حمالات الحطب حكاية النشادر دي جديدة عليهم
[b]النشادر فى الحنة والحلومر وامن المطارات لربط خيال الرواية فقط ..[/b]
رد مع اقتباس
  #10  
قديم 09-07-2011, 06:29 AM
الصورة الرمزية عبد العظيم عرفات
عبد العظيم عرفات عبد العظيم عرفات غير متواجد حالياً
Senior Member
 
تاريخ التسجيل: Aug 2008
المشاركات: 4,225
افتراضي

اقتباس:
المشاركة الأصلية كتبت بواسطة عبدالله عبدالعزيز خليفة مشاهدة المشاركة
- وينا أبتسام ما شايفنًها الليلة فى صلاة التراويح..؟
-يمكن كسلت تجى الليلة من صلاة شيخ عبد الصمد الطويلى ..
- صلاة شنو ؟ وعبد الصمد شنو يا بت الناس - ابتسام راجلا رسًل ليها تجى تصوم باقى
رمضان وتعيد هناك فى دبى .

- والبطينين المالين البيت تخلًيهم مع منو ؟
- مالن خالاتن الاتنين البقرن فى الجامعة ما ب يقعدن يمسكوهن ليها لغاية ما تجى ..
- هى ما دام الله فتحا عليها ما تسوق شفًعا ديل تفسحن معاها ويشوفو بلاد الله ديك ..
- تسوق الكورجا دى معاها وهى ماشى لى راجلا ؟ دى ما بقت سفرة عاد ..!
- كدى النقوم نمشى نقفرا نشوف حالا ..
- حالا شنو يا بت أمى ..تلقاها قاعدى تتحكحك وتتملس وهاكى يا حنة وهاكى يا حفرة
دخان وساوند ..
- ما هو ساوند يا جاهلة يقولولو ساونا ..
- كلًو واحد ساوند وللا ساونا يا الجيهة فى الاخير الطلوع لمبة ترقش ..

- توعدنا يا رب بى سفرة زى حقت أبتسام دى ..لكن بى وين مع الراجل لقاعد مصنقر ليلو ونهارو فى السوق المركزى مع البامية والرجلة والملوخية ..

أبتسام جاتا رسالة فى الموبايل بنمرة الحجز على طيران الامارات ( سمحة القدرة )
الشنط أستفت . كرتونة فول السليم جاتا من كريمة بالسياحى من عمتا ..كرتونةالحلومر
والرقاق من النسيبة أم الراجل نسيبة السرور الاصلها ما غلًتت عليها ..

يوم السفر الحنًة منقوشة ( نفق عفراء ) ..بقت زرقا زى سواد الليل نانت ما كتًرولا النشادر بالحيل ومعطونة بى فتيلين محلبية ..
مشت المطار وركبت الطيارة ( الايربص) الما خمج ونزلت فى مطار دبى ..
من الطيارة ما نزلت سلم زى حقًنا داك طوالى من الطيارة الى داخل المطار ..السلم جارى
بيها ولى سلم تانى سايقا قدام لى محل الجوازات والشوق سايقا وسارحا معاهو .ما صحًاها علًى دقة الضابط على الباسبورت ..العفش دخل جهاز فحص العفش ..قام يكورك تيت ..
- يا زولة ..الكرتونة دى فيها شنو ؟؟

-فيها شنو كمان ما حلومر ورقاق بس .
الضابط حجز الكرتونة-جهاز كشف النشادر كشف نشادر فى الحلومر ..
- محظور يا أختى النشادر ( أمونيا ) من مواد تركيب العبوات الناسفة والمتفجرات.
ابتسام بقت أرهابية آخر زمنا ..ابتسام جايي ملاك حب ورسول مودة ورفيقة عشرة ..

الضابط قال ليها روحى كمان على جهاز الكشف الشخصى ..ختى النضارة والموبايل
فى السبت ..دخلت الجهاز ..الصفارة ظمبرت تيت .. تيت ..تيت ..
تانى تيت .. تيت وآ شقاوتك يا ابتسام ..الحنة النقوشة برضو فيها نشادر ( أمونيا )
تانى أرهاب يا ابتسام مع آخر عمرك ..؟ وانا جايي الرحلة السمحى دى وكلًى شوق
من راسى لى كرعى ..يجى النشادر يغلًط على ويمسخ على عيشتى ..
الحنانة قالت لى النقشة دى سميناها ( نفق عفراء ) لغاية ما دخلتنى فى النفق دا ..
والنسيبة كتًر خيرا الحلومر حقًها خللا خشمى ملح ..ملح مر مر ..
والله أنتن الاتنين مانى عافى منكن ..علًى راجلى موشغال فى مصنع الامونيا السائل فى دبى وقت تنتهى الاجازة أملأ ايديا الاتنين دهب والكراتين كلها مليانى نشادر .نشادر

بالجد رائعة يا باش مهندس رائعة
طرفة ومعلومه وسرد جميل
يديك العافية
__________________
رد مع اقتباس
  #11  
قديم 09-07-2011, 06:42 AM
الصورة الرمزية عبدالله عبدالعزيز خليفة
عبدالله عبدالعزيز خليفة عبدالله عبدالعزيز خليفة غير متواجد حالياً
Senior Member
 
تاريخ التسجيل: May 2010
المشاركات: 4,021
افتراضي رد

اقتباس:
المشاركة الأصلية كتبت بواسطة عبد العظيم عرفات مشاهدة المشاركة

بالجد رائعة يا باش مهندس رائعة
طرفة ومعلومه وسرد جميل
يديك العافية
مشكور ود عرفات والنشادر بيصحى الغمران ..!!
رد مع اقتباس
  #12  
قديم 09-07-2011, 09:11 PM
الصورة الرمزية منال محمد الحسن
منال محمد الحسن منال محمد الحسن غير متواجد حالياً
Senior Member
 
تاريخ التسجيل: Nov 2010
المشاركات: 1,694
افتراضي

اقتباس:
المشاركة الأصلية كتبت بواسطة عبدالله عبدالعزيز خليفة مشاهدة المشاركة
مشكور ود عرفات والنشادر بيصحى الغمران ..!!
بركة يا باشمهندس فى نشادرك صحاناإ بس ابتسام دى ما كان اخير ليها تتحنن بالبيغن ولا عندها حساسية وصبفة الحجر مالها كمان براها دايرة التلتلة
__________________
تقول لي صباح الخــير و انت الخير لكل صبــاح..
وانت النسمة وانت البسمة..وانت الروح وانت الراح..
رد مع اقتباس
  #13  
قديم 09-08-2011, 05:11 AM
الصورة الرمزية عبدالله عبدالعزيز خليفة
عبدالله عبدالعزيز خليفة عبدالله عبدالعزيز خليفة غير متواجد حالياً
Senior Member
 
تاريخ التسجيل: May 2010
المشاركات: 4,021
افتراضي رد

اقتباس:
المشاركة الأصلية كتبت بواسطة منال محمد الحسن مشاهدة المشاركة
بركة يا باشمهندس فى نشادرك صحاناإ بس ابتسام دى ما كان اخير ليها تتحنن بالبيغن ولا عندها حساسية وصبفة الحجر مالها كمان براها دايرة التلتلة
أختنا منال ..سلام وتحية ..
بيغن بدل النشادر يشتت خيال الرواية حقت ابتسام ..
صبغة الحجر دايرة صنفرة حجر وحريم مكًة أدرى بشعابها ..
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:49 PM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir