المساعد الشخصي الرقمي

مشاهدة النسخة كاملة : من أغاني القرن التاسع عشر


صلاح هاشم السعيد
04-01-2007, 05:44 AM
من الاغاني التي كانت تغني في القرن التاسع عشر :
ليلي أنا الله الليل الليل ليلي أنا الرايقة هوي
يامهير ميس الاكله حب *** عوده لا خبزاً لا هو كب
لو نجر لو صابنه صب *** صنعة السيد حكمة الرب
ساقت الديس برد المهب *** فرت الأبيض بلا الشب
مت لا كرعي وانطرب *** جا الفقير قالي ات وتب
جاب دوايتو وفي اللوح كتب *** قتله اقيف يا شيخ العرب
رايقة مدي الموية اشرب *** ويقنيني القول انخرب
يابا وراق يا ود الصعب *** يا الدويحية اهل القبب
يا رجال الله تقولوا كب *** تقلعوا الميجر من صنب
تقلعوا النصراني الكعب *** فشان انط الحوش دردرب
ما با قول للمفتاح كرب *** داير اشوف أم عكشاً دهب
ما بخليك ان انضرب *** إلا سيفاً ياخدني تب

أورد الدكتور نصر الدين سليمان علي فضل الأبيات التالية :

يا ولاد جابر قولوا كب
يا المسوداب أهل القبب
تقلعوا الميجر من صنب
تقلعوا النصراني الكعب
بس فشان أنا قليل أدب
الاستاذ حسن المقل عضو البركل دوت أورد الآتي في المنتدى العام :
دار انط الحوش بردًرب
العكاكيز فوقي رب رب
دار اشوف ام عكشاً ضهب
ودار اضوق سجنك ياصنب .

صلاح هاشم السعيد
04-01-2007, 11:09 AM
الاخوة الكرام في المنتدى الشعري :
ندعوكم للمساهمة في هذا البوست المخصص لشعراء وشاعرات القرن التاسع عشر وبدايات القرن العشرين .

صلاح هاشم السعيد
04-01-2007, 01:29 PM
قال شاعر وهو يتحسر على بيوت الطين القديمة :

حليل زمن البيوت المو بيوت ضيق
حيشانا المبردحة ماها محيق
لقاديبنا المبلطة خاتية شقيق
مضللة بالفلق ما فيها رقريق
المرق مرقاً سنط وساوينله ارنيق
راصين القداحي صفوف معاليق
برنداتنا الكراريق بالشباريك
الطير باض وعشعش في السباليق
نحن سايقين السواقي وعيشنا متيق
لا بسين الشمامير والعراريق
تسمع لا تحت دق المداقيق
يجي احمد للفطور شايله باسيق
مالي الشكي وقالع له عشميق
يفسخ ويمشي مالي جيبو دفيق

صلاح هاشم السعيد
04-04-2007, 08:35 AM
هي الشاعرة المادحة الحاجة فاطمة محمد خير ولدت بمقاشي ونشأت بها وهي شقيقة السياسي والمحامي المعروف أحمد خير صاحب فكرة مؤتمر الخريجين التي مهدت الطريق للحركة السياسية الحديثة في السودان وكانت سبباً في ظهور حزبي الأشقاء والأمة ـ وقد تميز شعر الحاجة فاطمة بت ود خير بالعذوبة والرقة، وأشعارها معروفة ومشهورة.

رسلت السلام يغريك يالزين
السلام ليك وللمعاك فى الغربة قاعدين
السلام من عين شمس لاحد فلسطين
عاد انا ما بوصفك آ صباحى بخاف من العين
من عين الخلوق موعاك جبرين
انت بالعافى التخصك فى المصارين
تبقالك هدم سروال ونعلين
دايرى اشكيلو العزر صمد النمرتين
وانت آ سيد الجزيرى التكاكى وزين
يا سيد الشال تقيل فدع العراجين
انت في تالت سنين ما بدوك سبوعين
وما بترسل لى جوابا فيه سطرين
وماببتقول لى نعيم صباح أمو اشتغل وين
أنت ماك عارف قليبا لى مجينين
وماك عارف جواب الخبر يجينى وازيد لى شبرين
انبسط لى انبساطى زايدى على القوانين
فولة من قبل الملمات مانا فايقين
منطبقات على تلاتة واثنين
وختى ربع جنيه وبعضا ثلاثين
وقالوا ما بنقبل عذر قضونا فى الحين
أ كان لى المقد ماجابلو مدين
والعيشريف مبوص ما مرق هين
أصلوا لاتمرا مرق لانا سايقين
طلبتك بالله رسل لى جنيهينهذا النص قمت بنشرة في نشرة الطرابيل بعدها ذهبت لقضاء إجازة بالسودان وقد اسعدني الحظ بالتعرف على الدكتور / نصر الدين الذي يعمل بجامعة كريمة. حينها كان قد استلم شهادة الدكتوراة حديثاً وعندما علمت أن موضوع رسالته لنيل الإجازة العلمية عن ـ الشعر في منطقة الشايقية ـ طلبت منه الاطلاع عليها ثم اعدتها بعد أن جمعت بعض النصوص الشعرية التي استدل بها في رسالته. وقد وردت وردت في رسالته ابيات شعرية من قصيدة الحاجة فاطمة بت ود خير في صفحة 126 جاءت كالآتي:
أنت يا سيد البسوق أرقوق موازين
وأنت سيد الجزيرة تكاكي وزين
وانت سيد الشتيل تبت العراجين
انت ماك عارف قليباً لي مجينين
ما بترسل جواب بس فيه سطرين
وما بتقول لي عند صباح امو اشتغل وين
انت ماك عارف جواب الخير يجيني بطولي شبرين
وانبسط انبساطة فايته على القوانين
وانت قايم بقر غير ما قومك دين
كنت تنجحم للحم وأهلك مضحين
والله خلاني اطير احصلك في الحين
القى عند القهوة قبل الرسمي قاعد بالدرابزين
وينسر بالي بيكم يا حبيبين

صلاح هاشم السعيد
04-04-2007, 09:48 AM
الرسول يا ود عمتي *** العراقي خنق رقبتي
والشبلات شبلات ستي *** وأم برك تمسح للوش
والمطارق لا صرتي *** والحجل والعاج كمان في
جاب لي توب أسمو بنقالي *** وجاب لي جلابية جورسيه
وقال وشيل والبسي *** وقال لي لحق الناس ملص
وجاب لي مطرق وجاب لي نقار *** جاب لي توب أسمو الحمام طار
وجاب لي فركي دموع التجار *** وجاب كركب في البيت غيار
الرسول يا ود عمتي *** كان درت راحتي وجمتي
رسل لي التصريح الأجي *** وفي الإجازة بنمشي ونجي
نركب البساسق الريح *** ونمشي الخرطوم نستريح
الخدامة تسوي الطبيخ *** وكل جمعة نزور الضريح
بطلنا لي لبن السعاي *** بقينا نشرب لبن الشراي
المي في الماسورة جاي *** طبيخي في الحلة أم غتاي
الرسول يا أم الهداية *** قولي لي أمي أنا ماني جاي
يمة لا تتمني البكي *** ولا تسو الحجة فوقي
الغربة فيها بت ود الفكي *** والبطلق تاني آب يجي

صلاح هاشم السعيد
04-04-2007, 09:59 AM
قالت شاعرة:
ناهمي بنوت الشميماب *** يا خجيجي الفي الحسيناب
رايقة فاطني الفي الشايشاب *** ستفن من بلد العذاب
بالشرق يا شيخنا ود التوم *** يابا عبدالله منهوم
الظروف تدعانا ونقوم *** ونسكن الخرطوم عموم
نسكن الخرطوم ونتلم *** الضمير يرتاح وننجم
نلبس تلاتي قسم *** الفدو والشف والختم
الخدار يا بت محي الدين *** مانا جاي نبقي مبلغين
في نعيم الجنة ساكنين *** الشغل فوق الكوانين

صلاح هاشم السعيد
04-04-2007, 10:13 AM
ستي نفيسي عن القاسِ حضرت
وتمرقني من الجريف ده بنيشتو كترت
ست نفيسي بت اب جلابي
يجي التصريح نروح اسكندري
لباسنا الجزمة والدبلة المصري
نسوي التوكة فوق الوقيّ
ستي نفيسي يا مرت العنابر
عرس دورين وتالت الدور نسافر
نروح في مصر بلد العساكر

ازهرى الحاج شرشاب
04-05-2007, 06:37 PM
فاطمه بتت خير ام نعيم هى من قالت فى تساب 1946
البحر مالو كدى استصاب
جانا حامى وشاد الركاب
وقالت : فى طهورة عبد المنعم
القريش الشالو ينضر
وينفضح اشكل خبر
انشاء فى سوق المقل
وقالت تسيّر لى ولدها :
امو لى بتنمْ
تنده الختم
عدها البجم
فى البدور نجم
وقلبو لايهم
من ابو بيتم
سيد المابفز حدو للهدم
وقالت رداً على صيدة اسماعيل حسن فى درب البنات يايمه انا اتبشتنته :
اسماعين حسن بقلب شكورو
واسماعين حسن انا كنت قادرى اخوض بحورو
الا قلت كدى ال اللومو وها ال اللشورو

خالد الحاج
04-06-2007, 08:46 AM
أخي صلاح هاشم
كل يوم يزداد إعجابي باهتماماتك والله
واليوم أضاف مولانا شرشاب الجديد
هذا مثال علي ما أحرص علي توثيقه من الإندثار
سمعت قصيدة المادحة الحاجة فاطمة محمد خير بعدة روايات
ويغنيها طبعا ود اليمني مع بعض التغيير.
حال الشعر الشعبي هو حال الحكايا الشعبية ... يزيد فيها لسان العامة وينتقص
فتستمع إليها بعدة روايات ، حفظها كنص يحفظها من الإندثار..
بدأت عمل أزعم أنه سيعجبك فقط أرجو أن يسعفني الوقت يا صلاح فزمني قاس لا يرحم.

يديكم العافية تابعوا نشر الروائع.

صلاح هاشم السعيد
04-07-2007, 02:22 PM
شكراً للتواصل والإهتمام ..
كثير من الشعر أندثر لعدم التوثيق.. وما زال الكثير في صدور الرواة ويمكن جمعه في هذا الموقع ـ على كل حال سأحاول القيام بتوثيق كل ما يتوفر لي.
أتوقع أن الموقع نفسه يأخذ من وقتك الكثير.. وهي بالتأكيد مسألة متعبة بالإضافة لمشاغلك الشخصية.. وفي نظري أنك قدمت خدمة كبيرة للمنطقة وحا يجي يوم تكتشف فيه ضخامة العمل المنجز ..

وشكراً ،،

صلاح هاشم السعيد
04-07-2007, 03:07 PM
ازهرى الحاج شرشاب;14682فاطمه بتت خير ام نعيم هى من قالت فى تساب 1946
البحر مالو كدى استصاب
جانا حامى وشاد الركاب
وقالت : فى طهورة عبد المنعم
القريش الشالو ينضر
وينفضح اشكل خبر
انشاء فى سوق المقل
وقالت تسيّر لى ولدها :
امو لى بتنمْ
تنده الختم
عدها البجم
فى البدور نجم
وقلبو لايهم
من ابو بيتم
سيد المابفز حدو للهدم
وقالت رداً على صيدة اسماعيل حسن فى درب البنات يايمه انا اتبشتنته :
اسماعين حسن بقلب شكورو
واسماعين حسن انا كنت قادرى اخوض بحورو
الا قلت كدى ال اللومو وها ال اللشورو


دي مداخلة قيمة جداً// وإن كانت هذه النصوص موجودة لديك أرجو أن تقوم بنشرها ـ وحتى لو كنت تحفظ جزء منها ـ
ـ والقصيدة التي لامت فيها أسماعيل حسن بعد رده على (خطابها القصيدة) ـ أذكر في تسعينيات القرن الماضي أن عبدالمطلب الفحل في إحدى البرامج التلفزيونية ـ استضاف الشاعر الدبلوماسي "سيداحمد الحاردلو" وذكر عبدالمنطلب أن الحاجة بتت خير أحزنها شيء من وصف اسماعيل حسن لحال إبنها وأظن إن لم تخنى الذاكرة أن أسماعيل زامل ابنها في فترة الدراسة ووجد خطابها ورد عليه بقصيدته المشهورة واعتذر على لسان ابنها بأنه لا يملك الجنيهين / حين يقول أسم فرطاقة ما دخلت جرابي/ المهم أن الحاجة ذهبت ووقفت بباب اسماعيل حسن وتلت نص القصيدة فقام إليها اسماعيل مرحباً ومعتذراً .
الأخ : أزهري الحاج شرشاب : أنا ممتن جداً لما ذكرته من سيرة وقصائد الحاجة فاطمة بتت خير أم النعيم : إن كانت معك قصيدتها التي ردت بها على الشاعر اسماعيل حسن أرجو أن تقوم بنشرها أو حتى على أقل تقدير ما تحفظه منها من ابيات :
أهلاً ومرحباً .. ويا هلا ..

ازهرى الحاج شرشاب
04-09-2007, 10:14 AM
الاخ صلاح
شكراً اخى
قصيدة ام نعيم رد على قصيدة اسماعيل حسن عندى لكن دايره فتيش لانو عندى ورق جايط وعلى وعد اجد فى البحث عنها

عثمان الحليبي
04-09-2007, 08:28 PM
الاخوان ازهري وصلاح وصاحب الفضل خالد
اعتقد ان الفرصة سانحة لنا لنقوم بهذا العمل
لدي توثيق لعدد من الشعراء وقد اجتهدت في تسجيل ابيات كثيرة لشعراء مختلفين واحاول دراسة هذا ما اتاح لي الزمن.
علي كل حال سوف اوافيكم متى حولت الاشرطة الي سيديهات بتسجيلات ممتعة وعامرة
والان هذه مشاركة اولي
امنياتي لنا بالتوفيق

عثمان الحليبي
04-09-2007, 08:51 PM
السيرة فالك
يا حبيبي براي اريت بيتك مبارك
يا جبل الحديد فشل الدنالك
قراية الخلوة حارساك من كبارك

الليلي العريس يالله تدي مرادو
فوق جملا وهيط يحقب علي قوادو
الصايغ فتر من دق حفايض اولادو
واحدين للعلم واحدين يحرتو بلادو

الليلة آعريس رسلولك والله براك جيت
قطعت العقاب وخليت بنات واديك
رشرش عين عروسك ينضم السوميت

انا بقطع عليك يالشمة
قمرات سبعتين الخافي ماها ضلمة
ترمي الزول علي دركا يودر ضمة

السي فوق بتنا دهن البطاط اللين
الطاقة المن مصر ما فتشوك لي هين
عِلِي البرمكي الفوق الجنات متبين
اب ايدن متل وابل الضحي المتحين
البيتوطى العيال متل الجريد اللين

بقطع عليك يا سديرة
ليمونة الجناين الحجروها العيلة
امك عند ابوك ما اتنكدت كل ليلة
ما اتحزم وقف قال عبرولة الكيلة

صلاح هاشم السعيد
04-10-2007, 06:20 AM
هذه النص مقتبس من المنتدى العام بأسم ( أزهري الحاج شرشاب) وهو كاتب النص الأصلي :
عبد الرحمن بلاص ________________________________________
عبد الرحمن بلاص هو عبد الرحمن وقيع الله بلاص00 ولد بالسقاى بين نورى ومروى 00 عمل بالبوليس بمدنى 00 عمل بالصحافة وكان له باب باسم الشارع فى جريدة الصراحة 00 ثم عمل محرراً فى مجلة الاذاعة السودانية حينما كان يرأس تحريرها الشاعر الكبير الفيتورى .
غنى للعديد من الشعراء حدربى محمد سعد ، عبد القيوم ابراهيم ، محمد حمد شلالى ، اسماعيل حسن ، السر عثمان الطيب، حسون الجريف ، الرساله الطيب ، فاطمه بت نعمى وغيره كثر
لى اخونا الداير غنا القرن التاسع عشر اهديك صابره للشاعر محمد حمد الشلالى وانشاء الله نوالى اغنيات بلاص وخاصه الزلال وبلال يابلال يا اب زوق عشا امو
صابره
صابره وما بضيق ريدو نور لى الطريق
يابا صابره ومابضيق
سدوا بيتكم واسجنونى ومن حنانكم احرمونى
جيبوا قيدكم قيدونى اوقدوا ناركم حرقونى
انا مابسيب ريدى وحنينى
ود اخوك مابينفع معاى ومابيحقق املى وهناى
ماتقول انا قليت حياى دى الحقيقه انا لو لىّ راى
ود اخوك مابيملك هواى
لو اعيش يايابا فى نار أو اهاجر افارق الديار
امشى ليهو وازيل الحسار قلبى وافى وماهو غدار
ومانى سلعه انا بين التجار
شوف بنات حلتنا الكبار حتى ناس امونه الصغار
كل واحده سعيده فى دار الا انا الكاتلنى الحسار
والكريم يايابا ستار
قالى باكر اهلو بيجوك مِد لو ايدك قولو مبروك
ماتخت فى دربنا الشوك مابتخاف الناس يلوموك
ليه جدودى انا امى ادوك

صلاح هاشم السعيد
04-10-2007, 07:49 AM
حر

صلاح هاشم السعيد
04-10-2007, 07:53 AM
[QUOTEالأخ / عثمان الحليبي ..
كلامك صحيح، واعتقد أن هناك مسئولية على أبناء المنطقة في مسائل التوثيق // والباحثين يحتاجون لمثل هذا النوع من التوثيق// ..
خليك معانا ..

صلاح هاشم السعيد
04-11-2007, 01:59 PM
قال الشاعر ود حسونة في مدح العمدة ود كنيش :

يا لسان قول لا تهترش *** وللأغا أب مهراً يهش
دود مراقد المي المهرش *** للغشيم يضحك يتبرش
بي تحت خدارك يحش *** وآفر الماب يحسب للقرش
كونو ذي الضل والشمس *** نضمو ذي الطبع أب نقش
تلقى ذي الهايج يرش
الرجال بتاب وأنت عيش *** الرجال ساكت غزار ديش
القمر طلع النجم في إيش *** والصقر رك والرخم في ايش
ما بيشبهوك يا ألاغا بالقميص

ومن أشعاره :


قاعدين في البلد وماخدنا غفة
اللورد كرومر جا السردار دار ولف
سياجاً سنان ودرقاً مكفى
وعلي سدر النحاس خيالو تلفى

ومن اشعاره :

اللبيب ولف جاب جواب *** بالتساعي الماك كضاب
مرة سنجك وغفروا لكداب *** ومرة فوق العاتي أب سناب

عثمان الحليبي
04-11-2007, 08:02 PM
شولق العازات ود كنيش
ومقنع الكاشفات ود كنيش
الرجال بتاب وانت عيش
وساكت القمصان غزار ديش
الصقر نزل الرخم فيش
القمر ظهر النجم ليش
جز نعامك تور الريش

صلاح هاشم السعيد
04-12-2007, 02:04 PM
الأخ/ عثمان الحليبي
من الضروري أن نحفظ كل القراءات المختلفة لهذه القصائد الجميلة القوية والتي اختزنها التاريخ حتى وصلتنا عن طريق التدوال والمشافهة (فقط) ودون تدوين .. فشعراء وشاعرات وأهل الشمال عموماً لم يعتمدوا التدوين في عملية التدوال والتوارث الثقافي.. بمعنى أن الشاعر حين يمتنع عن التدوين يلقي بمشروعه الجمالي كله في مغامرة محفوفة بالمخاطر فيما يمكن تسميته (بعملية الإنتخاب الجمالي) حيث يسقط الغث ويبقى الثمين ..
من مسئولياتنا نحن كأبناء للشمال حفظ هذه الرويات المختلفة..
وما يدهشني ويعجبني في قصيدة ود حسونة التي مدح بها كنيش : هذه القافية الغريية والجميلة وطريقة استخدامها (تهترش ـ يهش ـ نقش ـ يتبرش ـ وفي ايش) واظنه اختارها لتتماشي مع اسم كنيش.. وهذه القصيدة تذكرني بـ(ساري الليل للقرض قرش) ..
لدي سؤال بسيط : هل الشاعر ود حسونة فعلاً شاعر بلاط عندما وصفته بأنه شاعر عمد.. وهل لديه قصائد أخرى على هذا النمط .. أما بخصوص العمدة كنيش: ما سمعته من رواية (على ما اذكر) أن ود حسونة هجا كنيش بقصيدة فتوعده وهدد بقتله فقال قصيدته المشهورة اتقاء شر العمدة .. وفي رواية أخرى أن احدهم (لسبب ما) لام ود حسونه لأنه مدح البركل فقال ود حسونة : (بركل الجبل أب شريمي). ربما كان هذا اسلوبه في المرواغة والمناورة للخروج من المآزق والمزالق كشاعر تضعه شاعريته في كثير من المواقف الحرجة.
على كل حال .. هذه كلها روايات لا أدري مدى صحتها أو إختلاطها .. أرجو بشدة أن تؤكد لي هذه الروايات .. وأنا في إنتظارك على احر من الجمر وفي إنتظار الكثير منك ومن مداخلاتك الجميلة .. ويبدو لي أنك أحد قلائل يحملون هم المنطقة..
الف .. الف شكر وتحية،،،

عثمان الحليبي
04-13-2007, 04:08 PM
لك جزيل شكري صلاح السعيد
ياما تمنيت مثلك من سنين واتمني ان يعمر منتدانا بافكارك النايرة.
عنما ذهب حسونة في رحلته الي الملك تمام وبعد ان اكرمه تمام هو ومن معه .سأل تمام حسونة :
انتو من خلفات ناس سيدي ؟
قالولو :لع
.....:ضيوف؟
قالولو : لع
......: دايرنلكن مني شي اديكم ليهو؟
قالولو: لع
قالهن :نان انت منو؟
قالولو نحنا لبباء نغني.
.....:يا عبيد دايروهم بالعكاكيز .قالولكن تمام ...........
وهجا بذلك حسونة للملك تمام وقال :
كِبِتَ الريف تجي من الشام
تمشي دورين مافيش قيام
ترسى في كُوْمي قبل تمام
الكلب قراش العضام
وكانوا من حرفنت الدناقلة ان يخلقو حول مناطقهم حراسة تقويها الخرافات واكل الناس

اما عن مشكلة حسونة مع ود كنيش فلا اعرف فيها اكثر من انه لما زعل حسونة من ود كنيش اتجه حسونة الى العمدة علي ود ضكير عمدة دويم ود حاج والسقاي وقال:
واي انا كان فالي فال خير
ماكت بلم ناس الفلسنجي ديل
كت بلم ناس علي ود ضكير
البيفتح المطمورة في اليل
ويوزق الشوال بلا كيل

صلاح هاشم السعيد
04-14-2007, 07:14 AM
واصل والله حاجة مدهشة..
آخر عمل للشاعر عمر الحسين قبل وفاته كان جمع ديوان حسونة ,,
وما عارف وصل لوين ...

صلاح هاشم السعيد
04-15-2007, 06:51 AM
وين انت .. صامت مالك ..
اهدي ليك بيت .. على وزن شرشاب ..

ولدِكِ الوسطاني استصاب
دقنو ما قام راسو شاب

صلاح هاشم السعيد
04-15-2007, 07:26 AM
قال في العمدة ود بشير أغا، عمدة القرير:

ود بشير عمدة مو عمدة سماسير
خيلو بين الجبلين تغير
جر كرسيوه مع المدير

وقال في ود ضكير:
شنو البركل الجبل أبو شريمه
ود ضكير جبل ابن عوف الا حزيمة


وقال :

سلام يا ستنا في الفوق في مهيرا
وعلو لها القصر قبل أبو عميره
زولاً في الخلائق أبوه أبو نايب
وأبوك حاج مكة سيد تمرو أب زرايب

وقال مادحاً :

جناتنا أولاد التنا
الفي الجهاد سطاشر سنه
ناس ود غور فارس أمات قنا
ود أصول حمد الدندنه

صلاح هاشم السعيد
04-15-2007, 11:20 AM
قال الشاعر عمر محمد حليب (باتوري)

راحت الروضة بلودها وين
في الأراك علو لها حوشين
كل حوشاً فيهو كبدين
كل كبداً فيهو دقلين
وكل دقلاً فيهو كشرين
كل كشراً جنبو عبدين
كل عبداً ماسك أب روحين
يا الرويضة أماتك اتنين
ووب علي يا ود الغسين
ووب على يا احمد الزين
تدخل آ باتوري بي وين

صلاح هاشم السعيد
04-15-2007, 12:10 PM
هذا الموضوع تم نشره بنشرة الطرابيل عدد أكتوبر 2002م رأيت أن أنشره هنا لما في شعره من طلاوة وجمال :
الشلوخ :
]عرف عرب الحجاز منذ القرن الرابع الهجري الشلوخ وكانت تسمى (الشرط أو التشريط) قال شاعرهم :
ize=4]شرطوه فبكى من ألم *** فغدا ما بين دمع ودم
ناثراً من ذا لؤلؤاً *** وعقيقاً ليس بالمنتظم [/size]
قيل أنه في فجر الإسلام تزاوج المسلمون بنساء الأحباش فوسموا أبنائهم وأحفادهم الذين لم يكونوا يختلفون في السحنة واللون عن نظرائهم من الأحباش. كذلك فعل السودانيون اللذين خالطوا الأحباش، وقيل غير ذلك. ولربما أخذت عن الفراعنة فقد دلت الأثار على أنها كانت معروفة عندهم. والمشهور من الشلوخ (المطارق) وهي ثلاثة خطوط عامودية, أو رأسية تنزل على خط افقي، ومنها (السلم) وهي علي حرف (H) و (المدقاق) على شكل (T) ويسميه بعضهم (بالنجامة) وقد أحب البعض أن يكون الشلخ عميقاً . قال شاعر : تلقى الديسو كابي وادعج العينين
شلخ ود عيسى محراتاً غرز في الطين
وقد اعجبتهم الشلوخ الغائرة التي تحبس الدمعة أسبوعاً : ساقك لي ركبتك تب عديلاً شمعه
وشلخك ستة يوم يحبس الدمعة [/font][/size][/align]
أما الشايقية فكانوا ينظرون إلى (الشلوخ) كسمة فارقة وعلامة تميز أدعى إلى الإحترام والتقدير ، والشلوخ عملية تجميلية تحتاج إلى الكثير من المهارة والذوق، فالجرح الغائر دائم بديمومة المرء نفسه، ومن الشلاخات في البركل (بت بتي) وقد تغنى الكثير من الشعراء بـ(الشلوخ) وجمالها عند النساء، ولم يقتصر الأمر على الشايقية فقط فـ(الشلخ) سمة لازمت الكثير من قبائل السودان العربية, يقول شاعر شايقي:
السعدابي الزول الجماله خلاقي *** موزون شلخه عبدلابي
والعبدلابي الشايقي معروف وهو أربعة افقية بدلاً من ثلاثة:ويقول آخر :
الزول القرايته مهمه *** موزون شلخة ميز الما
أيضاً قال أحدهم :
السعدابي والريدة ما تجيبه كتابي *** ولو تربال ولو في الساقي
دا الزول الخدمته كتابي *** وفي ديوانه جوه يقاقي
كما قال عبدالرحمن الريح:
يلوح في خدو عارض *** أذاني ولي مارض
ثم جاء وقت أنكر فيه الناس الشلوخ، فقال الشاعر إبراهيم العبادي:
دون فصادة سواك إلهك *** والابار ما مسن شفاهك
وفي مدائح حاج الماحي ورد:
نحوذ حسان لابسات عقودوا *** جمال وجوهن بلا فصودو
وقال إعرابي من البطانة:
سخلة ود فهيد أم روبة مدروعة *** بعامية سادة ومهدلة ومربوعة

صلاح هاشم

عثمان الحليبي
04-15-2007, 12:15 PM
قولي فوق الاغا ودبشير
الازيرق جدو الاصيل
خيلو غارت فج الجبيل
دربو ماب يتوطي درب فيل
سيد دويم شات والبسابير
وسيد دويم سقايو الحفير
وسيد بلاد نوري ام دلاديل
وسيد كري ورويس القرير

عثمان الحليبي
04-16-2007, 06:10 PM
اللول اللول عند الشايقية
اللول اللول يا النوم شيلو
اللول اللول لا ترتيلو
بديك دومات ياللول
وحدات حلوات يا اللول
واحدات مرات ياللول
الحلوات لي ياللول
والمرات ليك ياللول
لا ترتيلو
ياللول تعال ياللول
سكت الجهال ياللول
ريح الكبار يا اللول

الهوي هي عند نساء كردفان
هو هوي يا النوم شيلو
هو هوي لا ترتيلو
هو هوي تترسل لي
هو هوي في الشمس ام شي
هو هوي في المطرة ام دي
بري دقاقة القرض
بري عاجاية المرض
بري قضاية الغرض
بري البت اخير من ولد
الوليد شن فيؤ
اصبح الصباح شال عصايتو وراح

صلاح هاشم السعيد
04-17-2007, 08:48 AM
عبدالرؤوف محمد صالح :
ولد ونشأ بجزيرة مساوي من قصائده (مهير دينار)
يا مهير دينار على الفائز على الخيل
إلا ضايقني الفقر وزاد رايي بهديل
عسى الله تنفرج وترزق بلا كيل
ويهب بحر السعد النخدع السيل
اقيف عند حوشها اخبت بابها نديل
تجي فادعي الوريد والمشية قديل

صلاح هاشم السعيد
04-17-2007, 08:56 AM
دوبست الفالق الحدارة
قصيبة السكر البرزم شلاله
يالجنيات شوف عيني مو قايل قواله
يالبنات شوف عيني مو قايل قواله
وكت قنب عبيد فوق النقارة
وجات كريبيج الملوك وفجو ال داره
مفصل بالدهب ومنضوم شباله

صلاح هاشم السعيد
04-17-2007, 09:04 AM
المبارك شيخ الزهر
العليك سوسقت وفتر
شوفني جنيت والا دستر

صلاح هاشم السعيد
04-17-2007, 10:09 AM
السي فوق بتنا دهن البطاط اللين
الطاقة المن مصر ما فتشوك لي هين
عِلِي البرمكي الفوق الجنات متبين
اب ايدن متل وابل الضحي المتحين
البيتوطى العيال متل الجريد اللين

الاخ/ الحليبي اليك تكملة الاغنية كما اوردها عباس محمد زين وقد صيغت القصيدة بايقاع غريب بغير ما تعودنا علية من غناء اهل الشمال:يقول عباس :
عند أهل الشمال تستقبل أم العروس السيرة فيجلسوا في الحوش ولكن العروس تبقى في غرفة مغلقة فتقترب أخوات العريس وقريباته فيبدأن في الغناء :
الدوسيب (الفوسيب) كدي فوق عروسنا
الدوسيب يا جاهلة كمك *** يا جلادة الشام جبت ابن عمك
يا يمة البديدية يا اخت الريدة بالنية *** يا طاقة الكبارية يا فرع الملوخيه
شعرك ليه فوق ليه *** بطنك طية فوق طيه
الما بتلبس جويرية *** إلا البرصة متنيه
ابكن يا رفيقاته صبن يا دميعاته
بيض القور سنيناته
السكسك رسيواته
سي فوق بتنا العاقلة يا المستورة *** ما حامت فريق ما انضنتن قوله
سي فوق بتنا ودك البطاطا اللين *** يا طاقة مصر ما بكشفوك بهين
إلا البرمكي الفوق العيال متبين *** البنوطا الرجال متل الجريد اللين

عثمان الحليبي
04-23-2007, 05:11 PM
قالت :
متين يا بشتنة ربك يعديك
وينعدل الوكيت ونمرق حكاويك
نشوف الاتفضح والانستر فيك

وقالت :
القصيرات لا يخودن
بنات الناس يسافرن فوق عروضن
يشيلن فوق تقل ويطرن جدودن


من رواية الاخ محمد عثمان احمد شقوري(حميد)

صلاح هاشم السعيد
04-24-2007, 11:35 AM
متين يا بشتنة ربك يعديك
وينعدل الوكيت ونمرق حكاويك
نشوف الاتفضح والانستر فيك

الأخ / عثمان الحليبي :
يمكن القول ان النص الشعري النسوي عند الشايقية استطاع بـ(عبقرية) أن يفلت من سردية تأريخية مباشرة ومن ضغط "الواقعي" على الإبداعي الأمر الذي قد يؤدي إلى تجفيف العفوية لصالح وعي وظيفي يدفع بـ"الابداعي" للمقصدية والتقريرية والمباشرة والنسخ, مما يجعل الكتابة تابعة لفضاء لا يملك أية علاقة بـ"الجمالي".
كذلك يمكن القول أن كثير من شاعرات الشمال كشفن عن مقدرات ومواهب متنوعة في صياغات شعرية (فكرية وفلسفية عميقة وصادقة) حيثما احتفظ النص بمساحة للنظر والتأمل وهامش لتحرك الذات في "مفردها" و"فردانيتها" وبهذا استطعن مباغتة التاريخ وكتابة "الواقعي التأريخي" (ليس في سرديته ووصف أحداثه وتفاصيله) وإنما في تجلياته الفكرية العميقة الفاعلة والمؤثرة في الواقع الاجتماعي والثقافي بإعتبار القيمة والمحصلة النهائية المُضَافة أو المُؤكِدةْ للمحمول الثقافي نفسه. ايضاً كقيمة أخلاقية وفكرية للاستدلال واعادة النظر في الاستشرافي المستقبلي ولمحاكمة التاريخ وإعادة صياغته وبناء سرديته وإشاراته برؤية مغايرة من واقع التجارب والخبرات اللاحقة. دون اخلال بالنص الشعري في عفويته وبكارته وطزاجته الأولى:
مثال لذلك ما قالته مهيرة بت عبود في موقعة كورتي : غنيت بالعديلة لولاد شايق *** البرشو الضعيف ويلحقوا الضايق
الليلة استعدوا وركبوا خيل الكر *** قدامهم العقيد بالأغر دفر
جنياتنا الأسود الليلة تتنتر *** يا الباشا الغشيم قول لجدادك
حسان بحديدة الليلة اتلتم *** الدابي الكمن في جحره شم الدم
مامون يالملك يا نقيع السم *** فرسانا البكيلو العين يفرجوا الهم
أيضاً يتأكد في قول فاطني بت الخبير واحسب أنها تقصد ظرفاً تاريخياً بعينه حين تذكر بالصمود كقيمة وتشير لمحكمة التاريخ وخطورة دورها وصلاحياتها كإمرأة بإعتبار أن المرأة عند الشايقية تعتبر (قيِّمْ وخازن للتقاليد والأعراف والمثل) :
متين يا بشتنة ربك يعديك
وينعدل الوكيت ونمرق حكاويك
نشوف الاتفضح والانستر فيكويذكرني هذا بالشاعر الفحل المؤرخ إبن البركل (معسيب) الذي أرخ في شعره لكل الأحداث التي مرت علي البركل ابتداء من بت الدهب وإنتهاءاً بفيضان 1988م. وعندما انفتحت كركية ساقية ود الحسين في فيضان 1988م وكادت أن تدمر كل الجهود وغامر رجال من ابناء المنطقة بحياتهم حتى تكللت جهودهم بالنجاح ـ حينها قال معسيب :
يا ساقة الحسين *** كترت حكاويك
فيك اللنستر واللنفضح فيك
ويذكرني بقصيدة أخرى:
يا سنة ستي *** ابيتي تتعدي
ساعة تنعقلي *** وساعة تتمدي
لك التحايا،،


صلاح هاشم

أبو الحسين
04-25-2007, 06:27 AM
السيرة فالك
يا حبيبي براي اريت بيتك مبارك
يا جبل الحديد فشل الدنالك
قراية الخلوة حارساك من كبارك

الليلي العريس يالله تدي مرادو
فوق جملا وهيط يحقب علي قوادو
الصايغ فتر من دق حفايض اولادو
واحدين للعلم واحدين يحرتو بلادو

الليلة آعريس رسلولك والله براك جيت
قطعت العقاب وخليت بنات واديك
رشرش عين عروسك ينضم السوميت

انا بقطع عليك يالشمة
قمرات سبعتين الخافي ماها ضلمة
ترمي الزول علي دركا يودر ضمة

السي فوق بتنا دهن البطاط اللين
الطاقة المن مصر ما فتشوك لي هين
عِلِي البرمكي الفوق الجنات متبين
اب ايدن متل وابل الضحي المتحين
البيتوطى العيال متل الجريد اللين

بقطع عليك يا سديرة
ليمونة الجناين الحجروها العيلة
امك عند ابوك ما اتنكدت كل ليلة
ما اتحزم وقف قال عبرولة الكيلة

الغالي جداً الأُستاذ/ صلاح السعيد...

إنت عارف يا اخوي أن من مُدمني حوشك دا...

وأهديك هذه السيرة يا البلال السيرة فالك...

http://3aza.com/uploader/uploads/1169448200_blas.wmv

مع كميات مودتي...


أبو الحســـــــــين...

عثمان الحليبي
04-26-2007, 10:46 PM
الاستاذ عبدالرحمن بلاص ومن خلال متابعتي لمجهوداته القيمة اري انه رجل يستحق التكريم
ويكفي انه في صمته البليغ في فترته الاخيرة قد انجز ما لم ينجزة الناس من حيث التوثيق والكتابة عن تراث المنطقة. وهذا الرجل كان رجلا موهوبا يغوص في اعماق الموروث الثقافي ويعود باهيان من الدرر ولا يقف في حدود رويها بل كان يمثلها بادائه المميز .اتمنى ان نفتح له صفحة عامرة بنفائسة. ويتوقف هذا على المقيمين بالوطن. فهو رجل علم عالي وبحر متدفق . له جزيل شكرنا.

أبو قصي
04-29-2007, 09:33 AM
الأخ صلاح هاشم السعيد والأخ الحليبي

أشهد الله أني متابع لكما بإعجاب شديد ، وهكذا التوثيق وحفظ تراثنا لكما التحية ...

ستي نفيسي عند القاسِي حضرت
وتمرقني من الجريف ده نبيشتو كترت


راحت الروضة بلودها وين
في الأراك علو لها حوشين
كل حوشاً فيهو كبدين
كل كبداً فيهو دقلين
وكل دقلاً فيهو كشرين
كل كشراً جنبو عبدين
كل عبداً ماسك أب روحين
يا الرويضة أماتك اتنين
ووب علي يا ود الغسين
ووب على يا احمد الزين
تدخل آ باتوري بي وين
مالو بي فالق التمرتين

ولا أدري هل الشطرة الأخيرة ( مالو بي فالق التمرتين ) من أصل القصيدة أم أضافها المتأخرون ولكن سمعتها تغنى هكذا ....

لكما التحية ولي عودة إن شاء الله ...

أبو قصي

صلاح هاشم السعيد
04-29-2007, 10:26 AM
أبو الحسين
شرفتنا كثير يا أبو الحسين،
في الحقيقة أنا قصدت ما أرد عليك طوالي لأني عارف أنو اسمك سيجلب الكثير من الزوار لهذ الحوش (كما اسميته) وقلت في نفسي ربما جاؤوا مشاركين كما فعلت أنت.. وحتى الهدية التي دخلت بها علينا إن دلت إنما تدل على كرم وطيب معشر وكأنك أبيت أن تدخل علينا إلا ويدك مليانة .. وهذا التسجيل أظنه نادر على كل حال أنا ما شفتو قبل كده.. وأنت تعلم أن بلاص أحد أهم مثقفي الشمال .. وأذكر أني قرأت له رثاء في المرحوم (بنده). والرجل كان حزينا لان بنده توفي مهملاً حيث عمل غسالاً بكريمة وعاش حياة كفاف وكان بلاص يتمنى لبنده وضعاً افضل من ذلك. وما زلت أذكر جملة قالها وفاءً لذكرى بنده في ذلك المقال وأظنها تستحق التوقف والدراسة والتحليل من الأخوة الموسيقيين والمهتمين فقد كتب قائلاً (كلنا خرجنا من عباءة بنده..) وما زلت اتعجب كيف فات مثل هذا التصريح على مثقفي الشمال.!! ولم أقرأ شيئاً عن بنده منذ ذلك الحين..
أبو الحسين:
والله مشكور كتير وأنا متابعك وشايف حركتك القوية في الموقع.. وربما يتوقف نجاحه على أمثالك من النشطاء الحادبين..
وأنا كمان ما حأخليك تمرق مننا ساكت..
قال شاعرهم :

لي نظم القمقم المدقوق للوقاية
ولي حرير مصر المطرز في العباية
سعيد الدنيا يقدم للحصايا
ويزور أبواته من جم رايه راية
بت اهل المساجد والقراية
كفاية من اسمك معروف غنايا

وقال شاعر على لسان إمرأة :

الرسول يا طه شفت أحمد *** وليدي هناك في امدرمان
دحين ما قالوا ساولو *** مكينة في الدكان
الرسول طارينا ولا *** خلاص نسى الحبان
دحين يا طه منشود من بشارة الخير
بتول بت آمني ما كان رقدوها سرير
أها كيف الخرطوم معاك
باقيلي ضقت المتع

صلاح هاشم السعيد
04-30-2007, 01:26 PM
أبو قصي : سلامات وكيف الحال. .
شكراً على الكلمات الطيبة وشكراً للإضافة.
ونحن في إنتظار مشاركاتك..
الف مرحب .. شرفتنا ويا أهلاً وسهلاً...

صلاح هاشم السعيد
04-30-2007, 04:00 PM
نساء الشايقية بين الشعر والسياسة في القرن التاسع عشر

قبل هذا كنت بمعزل، فقد أمسكت طويلاً عن هذا الفضاء المربك الغريب، ولكن الشاعرات نصرة بت محمود وزينب بت سعيد وستي بت إدريس ومهيرة بت عبود وفاطمة بت ود كنونة، أخذن مني كل مأخذ، فتذكرت عزة المرأة الشايقية في مجالس القبيلة، تناقش وتشارك بالرأي وتنظر في اصعب الأمور والقضايا، فحسبت الف حساب لكبريائها وعلو شأنها وشأوها وقوة حجتها وسطوة عاطفتها وعنفها عند ممارسة وصايتها على الأعراف والتقاليد وحينما تظهر ولاءها لأهل بيتها في نظم العديلة والسيرة والمناحة. تمثلت مسيرها في مقدمة الجيوش تنظم الشعر وتدفع بالفرسان إلى ميدان القتال على أصوات الزغاريد وإنشاد الأناشيد والألحان، كأنما تقودهم لساحة عرس. تذكرت عزلة أم الشيخ عثمان ود حمد وأم الحسين الشيخية وأميرة بت الملك جاويش، واستجبت للأميرة الأسيرة صفية بت صبير ملك الحنكاب والأميرة مهيرة بت عبود شيخ السواراب من موقع الوفاء والمراقب لتلك القلوب الجريئة وتوثباتها الفتية في عمق الأحداث، تصنع التاريخ وتضرب الأمثال وتؤكد على القيم والأعراف. وقفت طويلاً في حملة الشلالي عند إمرأة طه أب سدر وهي تقاتل وتضرب النحاس، وتحرض على القتال وتشكل مقاومة حتى تجمع عليها الأنصار، فماتت بطعنة رمح وفي يدها مسدس.
وعلى الرغم من ذلك لم أتوقف إلا قليلاً ولم أجد غرابة في إنعطاف المرأة الشايقية للشعر دون غيره من الأجناس الأدبية الأخرى لارتباطه بقوة العاطفة عندها وطبيعتها الحساسة. كما أن الشعر أصدق ترجمان لها، على إعتبار أنه أحد تلك اللغات المغايرة والممكنة في التعبير والبوح والمكاشفة، وصياغة سؤال الذات والكينونة بشكل رمزي دون تكتم أو مباشرة.
والناظر إلى منطقة الشايقية في القرن التاسع عشر يلاحظ إنخفاض صوت الرجل الشعري المشارك والدافع لحركية الأحداث، المتفاعل مع الحياة الساسية والاجتماعية، إلا من بعض شعراء المديح أمثال ود حليب وحاج الماحي وعبدالرحمن ود كور ـ أورد السيد محمود القباني في مذكراته ( من آداب القومية عندنا أن الترنم بأغاني الحب والرقص يعد من أكبر العيوب بل هو الدليل الناطق بفقدان رجولية الصغير والكبير، إذ الغناء لا يباشره في وسطنا غير الجواري، وليس في جماعتنا حرة تعرف الأغاني اللهم إلا نوع مراثي العظماء والكبراء، أما نحن فنترنم بالمدائح النبوية). ولقد عانى إخواننا من المبدعين (الطمبارة) إلى وقت قريب من سوء الفهم وعدم القبول. وكأن أداة القول والسكت فيما مضى السيف والحربة و(الكوكاب)، ولمن أراد إثبات ذاته ساحات الحرب والقتال والإغارة. كأنما الرجل إرتضى لسلطان الشعر أن يظل فضاءً نسوياً خالصاً، وسلاح تستغله وتحتكره المرأة لنفسها. أيضاً قد لا يخلو الأمر من دور للمرأة في تنحية وإقصاء الرجل، بتبني الشعر وفرض الأمومة القسرية على الفعل الإبداعي، خصوصاً وأن (الشايقي) غالباً ما يربأ بنفسه عن المنافسة في مجال إختارته واختصته المرأة لنفسها، وغالباً ما يفضل الموت على الهجاء والفضيحة. ولربما كانت عبقرية الرجل والجماعة ذاتها هي التي ملكت المرأة سلاحاً أمر من الموت نفسه، وعينتها رقيباً وعيناً على ذات الرجل خوفاً من التراجع والخذلان، كأنما لشحنه واستنفار رجولته ودفعه بدافع الخوف نفسه لمواجهة الخطر والموت، فحياة القرن التاسع عشر في المنطقة كانت في اشد قساوتها بحيث لا تحتمل الوسطية فإما سَائد وإما مَسُود. كذلك أغراض الشعر الكلية كانت قليلة ومحصورة في المدح والهجاء والرثاء وهي أمور اعتبرت عند الشايقية شأن نسائي شديد الخصوصية.
ولعبقرية الشاعرات أيضاً خصوصية، تمثلت البيئة والجماعة فتجاوزت التبعثر والإنغلاق على الشكلي المبهم المكتفي والمحتفي بنفسه ذاتياً وجمالياً، دون الوقوع في مصيدة الاحتكاك مع التقاليد ومفاهيم السائد المألوف لمجتمع أنجزت ثقافته واكتملت في تمام تفاصيلها. والملفت حقاً هذا الأمعان غير المتساهل في السيطرة على أطراف النص وخطوطه من الإنفلات أو الانجراف نحو الذاتي المكبوت والمسكوت عنه في عالم الحريم. هذا التحديد النصي والإلحاح على المضمون فرض شكلاً من (أدب الإلتزام) بإنحيازه لقيم الرجولة والشجاعة والتضحية.
أيضاً تمكنت المرأة عن طريق استقلال نصها الشعري عن الذاتية وعن الخصوصية النسوية من تحقيق موقع متقدم، ونوعاً من المعادل الموضوعي أستطاعت من خلاله حماية نفسها وسلاحها الشعري وتأكيد مشروعيته واستمراره. كما أنها أستطاعت صياغة صوتها ووجود ذاتها وتأكيد أهمية دورها عبر قيم ومفاهيم احادية لمجتمع ذكوري, بمعنى آخر يمكن القول أن النص الشعري النسوي في القرن التاسع عشر عند الشايقية في مجمله بنية أنثوية تأويلية لمجموعة من الرموز والمعاني والقيم الاجتماعية الذكورية تكون المرأة فيه مؤولة بمعنى من المعاني، ومضمرة في مجمل النص، ومحسوب حسابها.
يكتمل موقف المرأة الشايقية من المشاركة في الحياة السياسية ودورها في اتخاذ القرار على أعلى المستويات في رأي مهيرة بت عبود الذي صاغته شعراً عندما احتد النقاش بين المؤيدين والمعارضين للحرب وإحتار العقيد في المجلس المنعقد في (أم بقر) بالقرب من كورتي لمواجهة حملة إسماعيل باشا، حينها قالت مهيرة:الليلة العقيد شوفنه كيف متمسكن
وفي قلب التراب متجكن
الراي فارقه لا بشفي لا بمكن
لا تعجبن ضيم الرجال بمكن
خلوكن براكن الليلة وحدكن
بتمشن تحاربن والا بتبكنوعندما صمت المجلس ولم يحر العقيد جواباً أردفت بيتاً من الشعر غير مجرى التاريخ وحسمت مهيرة الأمر نهائياً لصالح الحرب حين قالت:يا فرسان أدفروا احموا واطاتنا *** والا ادونا السيوف وهاكم رحاطتنافرد عليها خطيبها واحد فرسان القبيلة قافزاً : نحن فرسان الدواس *** نحن نسبتنا عباس
دقوا يا أولاد النحاس *** شدوا خيلكم يلا للباسفهب الرجال راجزين يتبعهم الكهول وقد أُقر مبدأ الحرب : نركب ينقنق جرسنا *** غرب ود العود جلسنا
مالنا نحن إن فرشنا *** هيلنا من جاويش حرسنافترد عليهم مهيرة مشجعة وتذكر العقيد بين الأبيات كنوع من الاعتذار الذكي الحميم وكنوع من المكافأة للاستجابة لنداء الحرب وقيم الشجاعة والرجولة: غنيت بالعديلة لولاد شايق *** البرشو الضعيف ويلحقو الضايق
الليلة استعدوا وركبوا خيل الكر **** قدامهم العقيد بالأغر دفر
جنياتنا الأسود الليلة تتنتر *** يا الباشا الغشيم قول لجدادك كر
حسان بحديده الليلة اتلتم *** الدابي الكمن في جحره شم الدم
مامون يا الملك يا نقيع السم *** فرسانا البكيلو العين يفرجو الهموكان من الحرب ما كان من انهزام الشايقية بعد تلك الملحمة التاريخية وبعد أن خذلتهم القبائل التي حاولوا استنفارها للمشاركة في مواجهة حملة اسماعيل، والدفاع عن أرض وسعت الجميع، وتلك قصة أخرى قد نعود إليها فيما بعد.
تاريخ الشايقية ملئ بالنماذج من الرجال والنساء، صاغوا التاريخ في أروع الملاحم، حفظ بعضها واسقط بعضها.
كأنما المنطقة تعاني من العنت والتهميش، ومن شتى أنواع الموجات الباطنية التي تستهدف تاريخها منذ التركية السابقة. فكم من بطولة وكم من رجولة وكم من امرأة ظلمها التوثيق وأهملها التسجيل، حتى امرأة طه اب سدر اسقط اسمها، فلا يعقل أن يحفظ التاريخ اسم قاتلها من الانصار عبدالمنعم محمد من دغيم وينسى اسمها. وكأنما التوثيق لتاريخ السودان يصدق لمنطقة على حساب الأخرى. لكن العيب فينا نحن الأكثر حرصاً على ثقافتنا وعلى توثيق تاريخنا ووضع صفحاته الناصعة في دائر المنظور.
[size=4]صلاح هاشم السعيد

عثمان الحليبي
04-30-2007, 07:35 PM
لدي تسجيلات كتيرة مع خالتي و امي واري انها من التسجيلات الممتازة في توثيق التراث واحاول الان ان اجعلها نموذج للعمل الميداني من خلال عرض طريقتي في التوثيق وطريقتهما في السرد .والملاحظات المفيدة في سير المقابلة. وحتى ابدا اهديك هذه الدراسة قبل ان تنشر.
اديك دي : سالناهن انا وبدري الياس قلنالن حسونة ما عندو ولاد قالن مانا عارفين .قالت خالتي والله يبقالي قال في بتو ساعة ولدوها بعد الولاد . قال :



علي اخر الزمن طلانا والي
مقندل بيتنا بي اب زيد الهلالي
كتفي وارمي يا ام زين لا تبالي
ودليهن علي نشل النباريويقصد البنات التانيات

صلاح هاشم السعيد
05-05-2007, 03:13 PM
الأخ صلاح هاشم السعيد والأخ الحليبي

أشهد الله أني متابع لكما بإعجاب شديد ، وهكذا التوثيق وحفظ تراثنا لكما التحية ...

ستي نفيسي عند القاسِي حضرت
وتمرقني من الجريف ده نبيشتو كترت


راحت الروضة بلودها وين
في الأراك علو لها حوشين
كل حوشاً فيهو كبدين
كل كبداً فيهو دقلين
وكل دقلاً فيهو كشرين
كل كشراً جنبو عبدين
كل عبداً ماسك أب روحين
يا الرويضة أماتك اتنين
ووب علي يا ود الغسين
ووب على يا احمد الزين
تدخل آ باتوري بي وين
مالو بي فالق التمرتين

ولا أدري هل الشطرة الأخيرة ( مالو بي فالق التمرتين ) من أصل القصيدة أم أضافها المتأخرون ولكن سمعتها تغنى هكذا ....

لكما التحية ولي عودة إن شاء الله ...

أبو قصي

الأخ / ابو قصي

لا احسبك مخطئاً عندما اشرت في حديثك لمسألة الإضافة للـ(قصائد عند أهلنا الشايقية) فالمشافهة وعدم التدوين وتداول القصيدة من جيل إلى آخر وعلى مدى سنين طويلة من الأمور التي أدت إلى عمليتيّ (الحذف والإضافة) بمعنى أن توارث القصيدة يجعل منها نصاً مفتوحاً للأجيال ويورث احتمالات الخروج على أسر اللفظ وقانونه وربما أبعد من ذلك على مستويات البنائية والتشكيل. هذا المتاح العميم الممتد من علائق الخلخلة (على نحو ما.. يحرر القصيدة وينفي الشعري في قداسة النص) مما يفتح مجالاً لترتيب الاشارات النصية واللفظية للقصيدة في إيحاءاتها ورموزها الخفية. فيضاف شيء ويسقط شيء حتى يبدو وكأنما اهلنا في الشمال لا ينتجون شعراً وإنما إبداعاً جماعياً يستوعب الصدمات والمتغيرات على مر العصور ويجعل من القصيدة فضاءاً مفتوحاً ويؤسس لنوع من الكتابة الشعرية اللانهائية الممتدة خارج زمن إنجازها أو فعلها.
لقد تعودنا نحن في الشمال على سماع القصائد بروايات عدة، حتى الشعراء أنفسهم لا يتحرجون من إضافة شطر أو بيت ومن الأمثلة الواضحة على ذلك قصيدة (قماري الشوق) لشاعرنا الكبير محمد عبدالعزيز والتي قالها في الثلاثينيات من القرن الماضى: يا قماري الشوق طيري فر
سابقي رجل الفضا للقمر
لا تخافي الهوا والمطر
في دقيقة إتعدي أنور
حدك الحوش المجير
الشديرة العندها الجر
أشربي الناقع مسكر
وخشي في الديوان من الحر
تلقي حور الجنة عسكر
تلقي زمزم وتلقي كوثر
والحبيب فرشولو غير
تلقي بالرفدور معطَّر
تلقي لافح شالو أخضر
عودي جيب لي الخبر
في إنتظارك مد البصروفي حقيقة الأمر تاريخ ريادة الفضاء جاء بعد ذلك بكثير وكان كالآتي :
ـ أول قمر صناعي هو القمر الصناعي الروسي (سبوتنيك) أطلق في اكتوبر 1957م.
ـ وأول مخلوق حي حلق في الفضاء هو الكلبة الروسية (لآيكا) في نوفمبر 1957م.
ـ وأول إنسان زار الفضاء هو (يوري غاغرين) على سفينة الفضاء (فوستوك) من مطار يايكونور الفضائي في يوم 12/ابريل/1961م ودار دورة واحدة حول الأرض في ساعة وثمانية وأربعون دقيقة.
ـ وأول هبوط على القمر كان بسفينة الفضاء الامريكية (أبوللو 11) التي انطلقت في 15/يوليو/1969م وهبطت على القمر في يوم الأحد الموافق 20/يوليو/1969م في تمام الساعة 10.50 وكان على متنها رواد الفضاء ـ نيل ارمسترونج ـ ويوجين الدوين ـ ومايكل كولينس ـ وفي صباح الأثنين في تمام الساعة 6.00 صباحاً وطأ نيل ارمسترونج سطح القمر.
هذا تاريخ ريادة الفضاء كما يعرفه الناس.
وبالرغم من ذلك أحب البعض أن يذهب إلى أن ود عبدالعزيز في هذه القصيدة توقع هبوط الإنسان على القمر علماً بأن شاعرنا كتب قصيدته هذه في ثلاثينيات القرن الماضي. في تقديري هذا حكم متعجل لا يفيد وأجد نفسي أميل إلى القول بأن شطرة (سابقي رجل الفضا للقمر) أضافها الشاعر محمد عبدالعزيز (نفسه) لاحقاً بعد هبوط نيل ارمستورنج على القمر بدليل أنه لم يحتج أو ينفي ذلك طوال حياته التي امتدت حتى عام 1981م. أيضاً يبدو لي وكأن هذه الشطرة لم تكتب بنفس الانفعال وبنفس الأسى والحنين والشجن الشفيف الذي صيغ به مجمل القصيدة.
لك التحايا،،

صلاح هاشم السعيد
05-07-2007, 08:18 AM
بقطع عليك يا سديرة
ليمونة الجناين الحجروها العيلة
امك عند ابوك ما اتنكدت كل ليلة
ما اتحزم وقف قال عبرولة الكيلة



الأخ الحليبي :
في غناء الأعراس عند الشايقية وصايا للعريس في طريقة معاملة الزوجة وكيفية التعامل مع اهل العروس وتذكير بالسلف في معاملة الزوجات وإشارة لأمجاد المرأة الشايقية ودورها في الدفاع عن المنطقة :

أنا بوصيك يا يابا *** ما تجاور النسابا
]وأيضاً [/color]:
أمك عند ابوك ما اتكدرت منظلمة
ما اتحكر قعد قال حصلولها الكلمة
أمك عند أبوك ما اتكدرت كل ليلة
ما اتحكر قعد قال عبرولها الكيلة
أمك عند ابوك مرة محقق قولها
غارت في الحرب والله جابت زوله

صلاح هاشم السعيد
05-07-2007, 08:31 AM
من أغاني السيرة :

أم العروس جينا ليكي
جبنا العريس لنضم الشبيكي
أم العروس جينا بالقافة
عشانا بقرة وغدانا ناقة
أم العروس جينا ليكي *** البحر الممسر جينا ليكي
أم العروس جينا ليكي *** أم العروس سلام عليكي

صلاح هاشم السعيد
05-07-2007, 08:51 AM
الليلة آعريس رسلولك والله براك جيت
قطعت العقاب وخليت بنات واديك
رشرش عين عروسك ينضم السوميت



ومن أغاني دق الريح :
دقوا الريحة كتير بالزايد
خمسين فندق بلا عمايد
وأيضاً :
إنت يا العريس رسلوك ولا براك جيته
رشرش عين عروسك ينضم السوميته
حجر السكر الكل من عطش يرويك
يا بنيه هي

صلاح هاشم السعيد
05-07-2007, 09:02 AM
من أغاني الشيلة :

عبوا ليه
يا الله العريس تتم ليه
دا اليوم الدايرنو ليك
يا الله تتم ليك

صلاح هاشم السعيد
05-07-2007, 09:05 AM
من أغاني الحناء :

هي الليل العديل والزين
والليلة العديل والزين يا عديلة الله
والليلة العديلة تقدموا وتبرا

عثمان الحليبي
05-07-2007, 10:29 AM
أشعار طقوس العبور عند أهل المنطقة
الأخ صلاح
اعتقد انه يجب علينا توظيف وعرض بعض البوسترات المتخصصة وتقسيم أبواب شعر المنطقة بدلا من أن نجمعها طلق. مثلا شعر طقوس العبور في حياة الإنسان منذ ميلاده حتى الممات: وهذا كما يلي:-
1- أشعار تقال وقت الميلاد.
2- أشعار تقال عند رمي التبيعة في النهر.
3- أشعار اللول.
4- أشعار المداعبة للطفل.
5- أشعار الطهورة.
6- أشعار مراحل الزواج. سيرة – حنة – جرتق – سيرة بحر...... الخ
7- اشعار الرثاء.

صلاح هاشم السعيد
05-09-2007, 07:57 AM
قال شاعرهم :

أنا بجر النم كيتاً للشمايت *** ولي البعتقو الدم بايت
الحر والحرير غالي الربايط *** وعند أمك نهارة الناس حتايت
مفهوم جدها أب علي يا لقايط *** وهس خالها فوق أندادو فايت
يفك ويتفك ويجاوب الغفر زايط *** يساور حرسه مجبور ما بيدايك
ويشيل فوق الدبر لو كان زلايط
بنت الفكي العامل بيشرح
بجر فوق بحرك الكل مالو يطمح
إن قلت صب عويده عليه اسمح
وإن قلت مانا جليدة عليه ابلح
وإن قلت نور ياك أبنور يقدح
عريسك إن يضولو باب فيه يفرح *** ونحاسو يدق ضحى وخيالة تسرح
****

عثمان الحليبي
05-09-2007, 06:33 PM
قالت:
التربال عيشتو قوية
نفسو ينجض القمرية
التربال قسمتو برية
شقو يدخل السحلية

دايري النورو بطارية
دايري عساكر الحربية
دايري البصرف الماهية
دايري البدخل الظابطية
دايري السرتي اب ارضية
ماني بدوروا سيد بحرية

التربال قسيمتو خرابة
تقعد جنبو بت التابا
في ضهرو القمل يندابا
ايدو تقولي شوك الغابة

صلاح هاشم السعيد
05-13-2007, 06:00 AM
قيل أن أحد ملوك الشايقية (قيل أنه صبير) كان معجباً بفتاة وعندما علم بنبأ زواجها قرر حضور مراسم الحفل متخفياً وقيل أنه لم يتعرف عليه شخص إلا فنان الحفل (حاج الماحي) الذي انشد قائلاً : شوفو اللبيب مين علتو *** يابى الدقس شن علتو
حجلاً سمح شلشوف *** جاب الملك من حلتو

ـ الدقس : النوم

صلاح هاشم السعيد
05-13-2007, 06:28 AM
أشعار طقوس العبور عند أهل المنطقة
الأخ صلاح
اعتقد انه يجب علينا توظيف وعرض بعض البوسترات المتخصصة وتقسيم أبواب شعر المنطقة بدلا من أن نجمعها طلق. مثلا شعر طقوس العبور في حياة الإنسان منذ ميلاده حتى الممات: وهذا كما يلي:-
1- أشعار تقال وقت الميلاد.
2- أشعار تقال عند رمي التبيعة في النهر.
3- أشعار اللول.
4- أشعار المداعبة للطفل.
5- أشعار الطهورة.
6- أشعار مراحل الزواج. سيرة – حنة – جرتق – سيرة بحر...... الخ
7- اشعار الرثاء.

من الأغنيات التي تغنيها البنات عند الشايقية أثناء ما يسمى بـ(دق الشلوفة) قبل الزواج مباشرة:
دقو له دقو له *** بت الراجل أب شوله
[

صلاح هاشم السعيد
05-14-2007, 05:48 AM
قال الوالد : هذه القصيدة كان لها حضور قوي في بدايات القرن العشرين :

إنشاء الله الطريف دايماً ملمات
يوماً بفرح ويوماً فلان مات
فشان تطلع قصيبتاً توره قنات
وانكشف القناع وقارسيقا ما شات

قارسيق : صفق الذرة
وهو يصفها بأنها مثل القصبة الريانة
وتورة قنات: من طول الري وكثرة المياه في قواديس الساقية
وانكشف القناع : يقصد القندول ظهر وكشف عن نفسه
شات : يبس

صلاح هاشم السعيد
05-17-2007, 07:53 AM
مرة جيت منصابي في ال.... *** سمعت رجة وطاير غبار
احترت مين يديني الخبار *** جاني داشكوك والدي المغار
عينه توقد زي الشرار *** شينه واقفة حته زنهار
قال أهلاً بأمير ال..... وال..... *** جيت عشان أديك أشعار
كلم العمدة الباقي جار *** وكلم العزبات والأبكار
عندي مولد وناويلي طار

رقيتون
05-20-2007, 09:02 AM
[color=#FF1493][QUOTE=صلاح هاشم السعيد;15548]قال الشاعر ود حسونة في مدح العمدة ود كنيش :

[font=Tahoma][size=5][align=center][size=4][color=#0000FF]يا لسان قول لا تهترش *** [color=#0000FF]وللأغا أب مهراً يهبش
دود مراقد المي المهرش *** للخصيم يضحك يتبرش
بي تحت خدارك يحش *** وآفر الماب يحسب للقرش
كونو ذي الضل والشمس *** نضمو ذي الطبع أب نقش
تلقى ذي الهايج يرش
الرجال بتاب وأنت عيش *** الرجال ساكت غزار ديش
القمر طلع النجم في إيش *** والصقر رك والرخم في ايش
ما بيشبهوك يا ألاغا بالقمص
ابنناصلاح هاشم مااروع اغانى القرن التاسع عشر وشعر ودحسونه بصفة خاصة
وقريبا سيصدر ديوان ودحسونه الذى جمع جزء منه المرحوم عمر الحسين وواصل المشوار ابننا سيف الدين حسن بابكر الحاج وهو الان فى لمساته الاخيرة
اعذرنى فى تصحيح كلمة يهش والغشيم

صلاح هاشم السعيد
05-23-2007, 07:19 AM
أهلاً .. أهلاً .. رقيتون
من بدري منتظرين طلتك علينا ..
أهو عرفتي الدرب بلا وصف ..
لك الشكر على الإضافات .. وطبعاً دي واحدة من أهدافنا ـ التوثيق للقراءات المختلفة ..
أحياناً بأقصد ما أرد طوالي على المداخلات خصوصاً الناس العندها قراء .. وإنتي عندك جيش ..
ونوع كتاباتك دي ما كل زول بيقدر عليها لأنو كتابة (السهل الممتنع) عايزه موهبة وحقيقة لغتك ممتعة ورقيقة جداً .. أول ما الواحد يبدأ يقرأ يبتسم .. ذي واحة، وذي (ميهية عطش وبالحيل شويه) ونحنا في إنتظارك وأنتي باين عندك من الأشعار الكثير وقالوا الجواب من عنوانو .أهدي ليك هذه الأبيات :
تمير المشرقي الماع في المخالي
قالوا الليلة طارن لك رحالي
على نوري ابعجاج المويه غالي
شرابك يبقى من ماء الزلالي
ولباسك يبقى من الكسوة الغوالي
من الفركي لا قرن ابسحالي
وكت يبقى لي عيشه الكيالي
سوي هدمك في راسك تعالي

صلاح هاشم السعيد
05-23-2007, 11:35 AM
أتذكرون برنامج (ربوع السودان) الذي كان يقدم من الإذاعة السودانية وهل تذكرون اغنية المقدمة.!! وتغني بها محمد عمر الرباطابي ـ والآن تغنيها فرقة عقد الجلاد :
لا أعرف شاعرها يقال أنها لمحمد عبدالعزيز ـ كلام سماع ساكت ـ اليكم ما اتذكره منها :
امدر يا ربوع سودانا *** نحييك أنت كل أمالنا
ودعناك خلاص يا ربوع
نعود لك تاني بعد اسبوع
نلقاك فوق زحل مرفوع *** خيراتك تزيد نوع نوع
أنت حديث وانت حديث *** ليك يا جافي دون تحميس
لسع ما وصلت الميس
دابك يا ربوعنا عريس
تفخر بيك جميع البادية
وكل الأراضي الهادية
تهواك النفوس ليك راضية
ودعناك خلاص يا ربوع
نعود لك تاني بعد اسبوع
آسف .. هذا كل ما اتذكره وبدون ترتيب

عثمان الحليبي
05-25-2007, 11:53 AM
كان احمد ود محمد خير ود عبود سنجك اربعمية (قائد حربي عدد جنوده 400 ) غنت له خالته النعمة بتد زايد الكلام ده في التركية السابقي قالت:


تـغنـيلو الحبـيـبـة المـو دنية ** سمحي الذري فوقك مو شنية
وسط العسكر الواقفين ترية ** كلـمة ود محـمد خـير قــــوية

شـدولوا البـتب ومخلوفو فوقو ** وجلـبولـوا البـنسـفو فـي عـلـوقـو
اسد القاش نهر وحجر شروقو ** وسم حمبري فار كضب البضوقو

عثمان الحليبي
05-25-2007, 11:59 AM
الي اخونا مولانا ازهري شرشاب
غيبتك كنت اظنها مشغولية لكن العين النجيضي شافتك عصر البارح حايم في البلد . شنو حتى ماب تسلم علي اصحابك واهيلك. يا راجل البوستر ده كان عامر بيك . عسى نلتقي وفي انتظارك بالكثير .

رقيتون
05-25-2007, 06:52 PM
]أهدي ليك هذه الأبيات [/color]:[/font][/color]
تمير المشرقي الماع في المخالي
قالوا الليلة طارن لك رحالي
على نوري ابعجاج المويه غالي
شرابك يبقى من ماء الزلالي
ولباسك يبقى من الكسوة الغوالي
من الفركي لا قرن ابسحالي
وكت يبقى لي عيشه الكيالي
سوي هدمك في راسك تعالي[/QUOTE]

وليدنا ودالسعيد اخوى والله ياوليدى غبت وجبت واوفيت وكفيت وهديتك مقبوله واريتك ود الحياء البتعرف تهدى لحبوباتك والله ماخليت شى واصلى وكت مشرقك دة جانى امانى موكت مشتهاهو
وقعت فيهو دى وراء دى حتى المخلايه بليتها فى لبينى وشربتها وان شاء الله تكسيك العافى فى عضيماتك وماقصرت ودعتك الله [/size][/size]

عثمان الحليبي
05-26-2007, 06:46 PM
رواية نقلا عن فاطني بت محمود لي شعر صغير ود كرار
وب علي يا يابا ابكرار
طفروا الصيد خلوا الصبار
ناس سرورة الابوها كرار
إن سكت حار القلب حار
وإن بكيت الشمات كتار

امي ما ودتني لي زين
نعمي ما ودتني لي زين
الوجه قبحة الطبع شين
الشعر ما قتي الاضنين

ماني فاكر فيك يا بجوق
وما بخلي الصوتو مريوق
سرة يالنسفولة العلوق
ودار سعادة الفاح ملى السوق

صلاح هاشم السعيد
05-28-2007, 10:06 AM
أشعار طقوس العبور عند أهل المنطقة
الأخ صلاح
اعتقد انه يجب علينا توظيف وعرض بعض البوسترات المتخصصة وتقسيم أبواب شعر المنطقة بدلا من أن نجمعها طلق. مثلا شعر طقوس العبور في حياة الإنسان منذ ميلاده حتى الممات: وهذا كما يلي:-
1- أشعار تقال وقت الميلاد.
2- أشعار تقال عند رمي التبيعة في النهر.
3- أشعار اللول.
4- أشعار المداعبة للطفل.
5- أشعار الطهورة.
6- أشعار مراحل الزواج. سيرة – حنة – جرتق – سيرة بحر...... الخ
7- اشعار الرثاء.

أورد عباس محمد زين من أغاني السيرة : أم العروس جينا ليكي *** جبنا اللولي لنضم الشبيكي
أم العروس جينا بالقافة *** عشانا بقره وغدانا ناقة
أم العروس جينا ليكي *** البحر الممسر جينا ليكي
أم العروس جينا ليكي *** أم العروس سلام عليكي
أنا لساني فوقه قال *** لسيدي ود خاتم الرجال
السيرة مرقت بالنهار *** أهل الخيول وأهل الجمال
السيرة مرقت بالعصر *** أهل الخيل وأهل الجمل
ضربوا المدافع والبشر *** كسوه بالتاج والحلل
السيرة مرقت بالصباح *** واقف الحرس ماسك سلاح
شدو لك المهر أم شباح *** نور الله فوق شمسيته لاح

وأيضاً من أغاني السيرة :
بلالي ساير يا عوض ** ياباري من عين كل حد
ود السناجق والعمد ** زيط ناس ابوك فاقش البلد
سيد العجم سيد الفصاح ** سيد البكبر الفي الشباح
سيد البرطنن في المراح ** بارودو بضرب للصفاح

ومن أغاني الأعراس :الليلة العديلة يا عديلة الله *** لأم ديساً مدلى
الليلة العديلة يا عديلة الله *** لأم سدراً معلا
الليلة العديلة يا عديلة الله *** لبت شيخ الحله
الليلة العديلة يا عديلة الله *** لبت ريس المله
الليلة العديلة يا عديلة الله *** للخدرة أم تله
الليلة العديلة يا عديلة الله *** لبت القمر المجلا

طارق الحسن محمد
06-03-2007, 05:59 AM
الاعزاء الاساتذة الاجلاء
صلاح / ازهرى / حليبى
تحياتى لكم جميعا على هذا المجهود
الرائع والعظيم ومحاولاتكم الناجحة
لتوثيق تراثنا بكافة اشكاله علما ان هذا التراث
كغيره من بقية تراث القبائل والجماعات الاخرى
فى السودان القدر الاكبر والاعظم منه
هو تراث شفاهى مما اضاع الكثير من درره
وكنوزه برحيل اناس كانت صدورهم
وذاكراتهم هى مستودعه
اقدر واثمن هذا الجهد
الكبير ، واستمتعت جدا بهذا البوست والله
ولى ملاحظة صغيرة
وهى ان هناك بعض المفردات يصعب على ابناء هذا
الجيل وبعض الذين لم يعيشو فى ديار الشايقية رغم ارتباطهم
الوجدانى والروحى بمناطقهم لايعرفون معانى كثيرة من هذه
المفردات اضافة الى ان هناك اناس كثر و ليس بشايقية
ولكن محبون وشغوفون بشعر وتراث الشايقية
واقتراحى لكم ان امكن ان تكون هناك حواشى لشرح
هذه المفردات
تقبلو فائق مودتى
واحترامى
اخوكم
طارق الحسن محمد

صلاح هاشم السعيد
06-05-2007, 08:52 AM
عديلة بشير بك كمبال قالتها ستنا بت كنونه :

هي الليلة العديل والزين *** والليلة العديلة يا عديلة الله
رضاعتك رخت سبلت قناعة *** يا أب قلباً ظلط خاتي الرواعة
يا بحر الصفا الراي فوق شداعه *** تسلم يا بشير الحاج وداعة
ساس الغول بشير من البداية *** جدك جرق العيقان تماية
ابواتك صمود خيلم عمايا *** قمر سته وتمانية مضوي آيه
انت قلب الارض والسبلات عروقو *** قبل الزين يحوق والناس تضوقوا
أسد اليوي نتر الما بتكازا *** راكز في الحرب واقف له في برازا
ود كمبال بشير البقرع الفازا *** يعرفوك ناس بي عامر والبازا
وأسألوا عن بشير في وقعة الجمام *** اتحربس ركز جايب مدافعه تمام
لاقاهو المدير في جبل مكرام *** والطابور مرق بره وضرب له سلام
بحر الغول بشير حمل بيملا *** الشاق العرق ياخد له جمرة
ولادة أمك صحيحة ماها خملة *** شايل الواقعة والمرمية جملة
أسد اليوي كضب البيدنيلو *** شن شاف الحرب الغول بشاشيلو
ود كمبال بشير فايت فوق جيلو *** من جدو وأبو النصرة هيلو
اخوانك معاك يوم عمروا البرود *** معاك ولا ابوك المابهابو الموت
حرابة كسلا ركز استعذب البنوت *** يعرفوك بني عامر مع الهيقوت
.....

صلاح هاشم السعيد
06-06-2007, 09:11 AM
مناحة بت ود الأمين في خالها محمد عبدالجابر:أنكسرن فروع الحن
ويا خالي العلي حنين
ويا أبو الزاكي يا أبو الأمين

معذرة : هذا المقطع ذكره صديقي البركالي محمد سليمان .. وطلب منى الإتصال بحسن جقود الطيار السابق بالقوات المسلحة السودانية الذي يحفظها كاملة .. أقبلوا هذا المقطع حتى إكمال باقي المناحة.

صلاح هاشم السعيد
06-06-2007, 12:01 PM
قال شاعرهم :
يا مهدية حكم ما بقالي
سويتي الـ... في راس الدلالي
يطير أب رقعة يسكن في الشهاري
ويجي التمباك محمل بالرحالي
ونشق السوق نلعب في السجاري
ويقج شرموطنا بنات الجراري
ونطير نندق نصفق للعسالي
ويجينا أب زِر مار فوق الأهالي
.....

حسن المقل
06-12-2007, 12:05 PM
من الاغاني التي كانت تغني في القرن التاسع عشر :
ليلي أنا الله الليل الليل ليلي أنا الرايقة هوي
يامهير ميس الاكله حب *** عوده لا خبزاً لا هو كب
لو نجر لو صابنه صب *** صنعة السيد حكمة الرب
ساقت الديس برد المهب *** فرت الأبيض بلا الشب
مت لا كرعي وانطرب *** جا الفقير قالي ات وتب
جاب دوايتو وفي اللوح كتب *** قتله اقيف يا شيخ العرب
رايقة مدي الموية اشرب *** ويقنيني القول انخرب
يابا وراق يا ود الصعب *** يا الدويحية اهل القبب
يا رجال الله تقولوا كب *** تقلعوا الميجر من صنب
تقلعوا النصراني الكعب *** فشان انط الحوش دردرب
ما با قول للمفتاح كرب *** داير اشوف أم عكشاً دهب
ما بخليك ان انضرب *** إلا سيفاً ياخدني تب

أورد الدكتور نصر الدين سليمان علي فضل الأبيات التالية :

يا ولاد جابر قولوا كب
يا المسوداب أهل القبب
تقلعوا الميجر من صنب
تقلعوا النصراني الكعب
بس فشان أنا قليل أدب
الاستاذ حسن المقل عضو البركل دوت أورد الآتي في المنتدى العام :
دار انط الحوش بردًرب
العكاكيز فوقي رب رب
دار اشوف ام عكشاً ضهب
ودار اضوق سجنك ياصنب .

الأخ صلاح ،،،،،،،،، التحايا والود
لاأدري ان كانت هذه الأبيات من القصيدة أم من قصيدة أخرى تقول :
يامهيرة فارس اللعوب
تللي ايدك ورخرخي التوب
وخلَي شلاخك للهبوب

ضمره بغدادي
06-12-2007, 07:11 PM
الاخ صلاح لك التحية

هاك السيرة دى

السيرة لى عجبى ايمة السيرة لى الدخرى

شايل سوطو لى ادبى فاتح الشنطة لى طلبى

غنى وشكرى اّ عاشة لى مترجم الباشا المتلو ما اتولد حاشا سيد الساقى لا راسا
غنى وشكرى للبهلول يا تمساح سقود الخور يا خشم السقو المبهول

يالخرتيت تداوى السم ويالفرير فتيل الشم وفى الواقفين رباعتك كم واجيد لينا ضاف العم

واجيد لينا يا امو ده الدقر الزرق سمو واجيد لينا ضاف عمو


والسيرة لى الدخرى

وسلامتكم

صلاح هاشم السعيد
06-19-2007, 08:12 AM
عديلة :
هي الليلة العديل والزين *** عريسنا يا أسد الغابي
هي الليلة العديل والزين *** شن نتر يندس الطاير والدابي
هي الليلة العديل والزين *** عريسنا يا بحر المسور
هي الليلة العديل والزين *** ماك جدول ماك خور
هي الليلة العديل والزين *** ابوك راجل ضيف يزور
هي الليلة العديل والزين *** إن نضم تاني مافي قول

صلاح هاشم السعيد
06-24-2007, 07:03 AM
حرر

صلاح هاشم السعيد
06-24-2007, 07:04 AM
إحتفت الأوساط الأدبية العربية وقامت الدنيا عندما قال نزار هذا الأبيات من الشعر :

عدي على أصابع اليدين ما يأتي
فأولاً حبيبتي أنت
وثانياً حبيبتي أنت
وثالثاً حبيبتي أنت
ورابعاً وخامساً
وسادساً وسابعاً
وثامناً وتاسعاً
وعاشراً حبيبتي أنت
وأذكر أن الشاعر (أبو آمنة حامد) كان يحلو له أن يردد هذا البيت في المحافل الأدبية.
ولكن شاعرة شايقية سبقت نزار قباني وغيره بـ(قرون) حين قالت في رثاء كمبال ود حمد :الفارس الأصم *** كم عصيت كم هجم
الليلة ووب يا أب رسى
تانية ووب يا أب رسى
وكت الكلام قسى
قالوا كمبال عصى
................

صلاح هاشم السعيد
06-27-2007, 01:30 PM
الأخ صلاح ،،،،،،،،، التحايا والود
لاأدري ان كانت هذه الأبيات من القصيدة أم من قصيدة أخرى تقول :
يامهيرة فارس اللعوب
تللي ايدك ورخرخي التوب
وخلَي شلاخك للهبوب

ألأخ : حسن المقل :
شكراً للإضافة ..
هذا شعر في غاية الروعة والجمال..
ولا أظن بالإمكان مجاراته بمعطيات هذا الزمن..

نحن في إنتظار الرائعات..
أمتعتنا والله .. هذه أبيات نادرة..

صلاح هاشم السعيد
06-27-2007, 01:51 PM
السيرة لى عجبى *** ايمة السيرة لى الدخرى
شايل سوطو لى ادبى *** فاتح الشنطة لى طلبى
غنى وشكرى اّ عاشة *** لى مترجم الباشا
المتلو ما اتولد حاشا *** سيد الساقى لا راسا
غنى وشكرى للبهلول
يا تمساح سقود الخور *** يا خشم السقو المبهول
يالخرتيت تداوى السم *** ويالفرير فتيل الشم
وفى الواقفين رباعتك كم *** واجيد لينا ضاف العم
واجيد لينا يا امو
ده الدقر الزرق سمو
واجيد لينا ضاف عمو
والسيرة لى الدخرى

أخونا ضمرة بغدادي
الظاهر عندك الكتير ..
وهذا النوع من الشعر يساعد في عملية البحث والدراسات االتراثية ,, أيضاً يساعد في الدراسات الثقافية والتأريخية..
فلا تحرمنا وتحرمهم..
ولك منى التحايا
وفي إنتظارك

صلاح هاشم السعيد
07-02-2007, 07:34 AM
في كتاب صور من حياة الشايقية ورد الآتي :
ظل الشايقية يهتمون بتربية الخيل وتدريب فرسانهم عليها لأنها عماد جيشهم ويعتمدون عليها في الإغارة وسرعة الإنفصال عن العدو مما يحتاج للخيل القوية والفارس الماهر.
وقد سجل أحدهم ذلك في بيت من الشعر قال فيه :
يا كريم الله سيدي *** القى تلباً هادي وعتي
فوقه اختف الجاهلة تومتي *** ودرقة صفرا وسيف دكري
الشوتال كارب به بطني *** والرميتون في صفحتي

وكان الشايقية يستعملون من الأسلحة النارية القديمة:
ـ أبو زناد ـ أبو شفطة والأرشليك ومنها أبو جقره والمريتين والرميتون (الراجمتون) .

صلاح هاشم السعيد
07-04-2007, 04:11 PM
قال شاعر :

متين أمشير تجينا
وتيبس قمحنا لينا
نجدع طوارينا
ونحدر طواقينا

ازهرى الحاج شرشاب
07-18-2007, 08:00 PM
الاخوه صلاح والحليبى وبقية العقد الفريد
لكم مودتى قواسيب كما يقول ود الحسين
اولاً المعذرة على عدم الكتابة طيلة الفتره السابقه وبراكم عارفين الخرطوم ودوشته ده عيان وده مات وخالتك مابعرف جات فى الدروشاب وعمتك جات نزلت الكلاكله ومنو كدى امش جيبو من الثوره عشان يسلم على منو فى امبده .... اضف الى ذلك كمية النقه البتسمها فى المحكمةو كم حكم فى اليوم داير كتابه فى البيت والحكم ذاتو داير قرايه وهى اكعب من القرايه ام دق .... المهم ده ماعذر يخلى الزول مايكتب ويتواصل معكم احبتى وعلى وعد انشاء الله اكتب واكتب لمن تقولوا مالو هو قايل البوست حقو براهو

صلاح هاشم السعيد
07-19-2007, 07:24 AM
الاخوه صلاح والحليبى وبقية العقد الفريد
لكم مودتى قواسيب كما يقول ود الحسين
اولاً المعذرة على عدم الكتابة طيلة الفتره السابقه وبراكم عارفين الخرطوم ودوشته ده عيان وده مات وخالتك مابعرف جات فى الدروشاب وعمتك جات نزلت الكلاكله ومنو كدى امش جيبو من الثوره عشان يسلم على منو فى امبده .... اضف الى ذلك كمية النقه البتسمها فى المحكمةو كم حكم فى اليوم داير كتابه فى البيت والحكم ذاتو داير قرايه وهى اكعب من القرايه ام دق .... المهم ده ماعذر يخلى الزول مايكتب ويتواصل معكم احبتى وعلى وعد انشاء الله اكتب واكتب لمن تقولوا مالو هو قايل البوست حقو براهو

كيف حالك : إنشاء الله مبسوط :
طبعاً الواحد مقدر الجري الكتير وهموم الناس والصراع اليومي .. خصوصاً في بلد ذي السودان .. بس يا أزهري جري عندو طعم.. واليوم فيهو صباح وظهر وعصر ومغرب وأول ليل وآخر ليل .. أما نحن فلا نعرف اليوم عدى كيف .. يعني روتين وحاجة قاتلة يصعب تخيلها إلا الواحد يعيشها خصوصاً في سننا دي والعمر يتسرب بين الاصابع والله كأنو الواحد أتنشل.. موات عديل.. الله يستر علينا ويستر عليكم. وسودان السجم ده ما داير يصلح .. كل يوم يرضوا زول التاني يحرد.. وأغلبنا يخاف من العودة والبدايات الجديدة .. وذي ما قال الشاعر الدبلوماسي صلاح احمد ابراهيم : لم يبق في العمر ما يكفي لبدايات جديدة..
حقيقة أنا متوقع منك الكتير.. ولست وحدي من ينتظر بلهفة مشاركتك في هذا البوست لأنو مدخلك جميل ويدل على زول متمكن وعندو الكثير.. وحدث أن فكرت في فرد دراسة لأشعارك المنشورة في موقع البركل دوت كوم ولكن خفت أن لا أوفيك حقك .. وذي ما أنت عارف عملية استنطاق نص عملية صعبة جداً وأهم ما فيها أعطاء مساحة زمنية لا محدودة للتفكير في النص// بمعنى استصحاب النص والتفكير لفترة كافية//
شكراً جزيلاً على الاقل لم تتجاهل نداءتنا ..
شكراً لك مرة أخرى ونحنا في إنتظارك متى ما توفر لك الوقت..

قالت الشاعرة النعمة :
اسواسو النومسو
ضناني شوف المريسو
شرحت مدحاً بهجسو
بربنا الحي بقيسو
عليم كمين المدسسو
على الجهات ما مجلسو
رفع سما فوقنا تنسو
ضيا الظلام فاصلة نقسو
كذا القلب هز حسسو
يا رب حل قيدنا خلصو
نساري بيه ندرسو
نشوف رخامه المملسو
نذوق مقيلو ومجالسو
مديحة نعمة بتهجسو
بخاف مغالي المعكسو
قلبي عميان مليسو

عباس محمد زين

صلاح هاشم السعيد
07-19-2007, 08:28 AM
قال الشاعر : محمد احمد علي (حسونة):
الله من أداني تيراب أب لمعتين
كنت بزرعه في جنينة السيد التدانا ستين
وكت بسوي الراس قرش والتمنة ملين
وكيتاً للتجار أهل الدكاكين
***
الحريم راسكن بالضريب
ان رسلنا الدرفون يجيب
تسمع الكف وتسمع الشيب
راكبات الحريم ما نشلن التيب
وخانقات البقر ساكت تصاويب
.

صلاح هاشم السعيد
07-19-2007, 03:27 PM
الشاعر : خضر محمود ولد ونشأ بقنتي :
من أشعاره :

يا فريع البان مرحبتين حبابك
واليوم السعيد الليلة جابك
ضلمت البلد أيام غيابك
سائل الله الكريم يحفظ شبابك
يا زهيرة النرجس الفتحت دابك
أرضك طيبة من النيل شرابك
....

صلاح هاشم السعيد
07-21-2007, 03:20 PM
نصرة بت محمود ترثي طه اب سدر:
بالنظر لقصيدة نصرة بت محمود في رثاء طه أب سدر الذي قتل في حملة الشلالي في جبل قدير يمكن معرفة نسب وعائلة طه أب سدر ـ وكنت قد سألت بعض المهتمين عن طه اب سدر بمعنى (منطقته ونسبه، فلم يجبني احد) ولكن أذكر أن الاستاذ البلولة المحاضر بقسم التراث بجامعة كريمة في أول لقاء لي به حدثني عن طه اب سدر بعدها لا أذكر أين قرأت أن طه كان يقطن حلفاية الملوك التي هاجر إليها الكثير من الشايقية بعد حملة اسماعيل باشا 1820م (وحتى الآن لا نعرف الكثير عن طه اب سدار ـ التاريخ في بلادي يذهب هدراً) وفي هذه القصيدة فإن نصرة بت محمود تنسب اب سدر إلى الملك صبير وإلى الملك كمبال، كما أنها تذكر حاتم صبير كما جاء في القصيدة وتذكر الكنابلة وتذكر العاصي وتذكر اولاد اب حجل رجب ومنصور وتذكر بادي وعبدالله وتذكر محمد خير أغا وتسميه الفارس المنبور :

يا فارس الألوف الـ للخيول عماس
نحاس أب سدر يضرب يقول عماس
يا حليل أب سدر يا وافر العينة
لدارفور غزيت هجم سلاطينه
نحاسك يدق كم جيتنا بزينة
الخطوة أم سجم وافيته في حينة
الليله أب سدر أبكنه يا اخواته
ولداً في قدير ما بشوف ذاته
ود محمود حليل نفل القديم فاته
سيد سرج الدهب والفضه قهواته
يا حليل اب سدر قمر العشا المو هلال
للضيفان يكفي والبواطي اشكال
درفون خالك انت الما معاك مثال
عمه اب راي صبير وجده الملك كمبال
جنيات الكنابلة البردو في ام دعكاب
بتدخلوا الصفوف اليوم قمركم غاب
نصر يا بشير نمر عقابكم ساب
ود العاصي الشوية فطرة الرواب
الليلة الجنيات في خلا وعتمور
ومقطوع الخبر ما جابته البابور
يا اولاد اب حجل رجب مع منصور
بادي وعبدالله القامو من الدور
محمد خير أغا الفارس المنبور
حاتم ود صبير وآ حسري يا أب حنجور
يا حليل أب سدر نقر نحاسة وقام
رتب لجماعته وانبرز قدام
كم طيع عواصي وللجبال هدام
كبديق الشوايق يا عقود السم
.

وهذه القصيدة لا أدري لماذا تذكرني بقصيدة شاعر نوري المؤرخ عمر الحسين والتي تغنى بها الفنان سيد خليفة : شدوا لك رِكب فوق مهرك الجماح
ضرغام الرجال الفارس الجحجاح
تمساح الدميرة الما بيصده سلاح
المال ما بيهمك إن كتر وإن راح
***
بطناً جابتك والله ما بتندم
ويا أسد الكداد الفي خلاك رزم
ويا رعد الخريف الفوق سماك دمدم
***
بابك ما انقفل ونارك تجيب اللم
وما بتحلف تقول غير استريح حرم
***
أبواتك جبير بيسدوا للعوجات
ومطمورتك تكيل للخالة والعمات
وفي الجود والكرم إيديك دوام بارزات
ويا أب قلباً حديد في الحوبة ما بتنفات
***
صدرك للصعاب دايماً بعرف العوم
وفي وسط الفريق في الفارغة ما بتحوم
لا تتلام ولا بتعرف تجيب اللوم
تفخر بيك بنات البادية والخرطوم

صلاح هاشم السعيد
07-26-2007, 01:35 PM
أوردت رقيتون :
في المنتدى العام هذه المقاطع المتفرقة نستأذنها في نشرها في هذا الموقع:

بت ابو رايا مدفن
سلام يا الفاتنى الدرفن
شقوقو من المى ماجفن
***
كفينك مدو بالطاقه
نقص دايرلو لحاقة
***
العجايز فى ساقتنا كوم يانكير ماتدين دور

صلاح هاشم السعيد
07-30-2007, 06:37 AM
استميحكم عذراً في نشر ابيات لشاعرة معاصرة:
قالت في الرثاء :
حبيبة الليل الطويل
يا البعدتي على المشاوير
يا اختي خرباني ودار رحيل
----------------------

أيضاً قالت في الرثاء:

دايراك في الصفوف قدام
ودايراك لي حديثي الهام
واديراك يوم صفاح نعمان
...

رقيتون
07-30-2007, 01:12 PM
استميحكم عذراً في نشر ابيات لشاعرة معاصرة:
قالت في الرثاء :
حبيبة الليل الطويل
يا البعدتي على المشاوير
يا اختي خرباني ودار رحيل
----------------------

أيضاً قالت في الرثاء:

دايراك في الصفوف قدام
ودايراك لي حديثي الهام
واديراك يوم صفاح نعمان
...

وليدنا صلاح لك التحيه
مااروع ماتاتى به حتى ولوكان رثاء اصعب مايمر به الانسان هو فراق الحبان شوف حبية الليل الطويل ياالبعدت على المشاوير كلمات ترن فى قلب كل من فارق عزيز وحقيقة هذه الابيات خنقتنى بقصة فى حلقى لفراق عزيزة احسب انها كانت احد قريباتك توفيت وهى فى ريعان شبابها وكانت اقرب الناس لقلبى
ولم انساها ولن انساها ابد وهذه الابيات هى لسان حالى ايضا اسال الله لها الجنة
الليلة ياودعمى هاشم حبوبتك بكيتها نامن شكلها حتجينى التركومه ودعتك الله

عثمان الحليبي
07-30-2007, 07:44 PM
صلاح السعيد لاحظ التوافق الغريب لروايات فاطني وعاشا لتراث المنطقةعند ضربة شيكان توفي عدد من العساكر الشايقية .فقالت احدي النساء :

الليلي الجنات راقدين خلى وعتمور
مقطوع الخبر ما جابتو البابور
عبدالله يالفارس المنبور
وحاكم ود صبير وا حسري يا اب حنجور

اليلة اب سدر يا وافر العينة
كم همدت دارفور بي سلاطينا
وكم همد قبايلن كلهن زينة

نحاس اب سدر يضرب يقول كرفاس
يا حاسر الاسودة اللي الحرب عماس
وحاكم ود صبير يا حسري يا عباسزرية طه اب سدر في الحلفايا ام حاكم وصبير الذي ورد ذكره باسم حاتم عندك هو حاكم وليس حاتم واعرف له حفيدة كانت تدعى بدور حاكم في الخرطوم السجانة محطة الماسورة .

صلاح هاشم السعيد
08-06-2007, 02:57 PM
وليدنا صلاح لك التحيه
مااروع ماتاتى به حتى ولوكان رثاء اصعب مايمر به الانسان هو فراق الحبان شوف حبية الليل الطويل ياالبعدت على المشاوير كلمات ترن فى قلب كل من فارق عزيز وحقيقة هذه الابيات خنقتنى بقصة فى حلقى لفراق عزيزة احسب انها كانت احد قريباتك توفيت وهى فى ريعان شبابها وكانت اقرب الناس لقلبى
ولم انساها ولن انساها ابد وهذه الابيات هى لسان حالى ايضا اسال الله لها الجنة
الليلة ياودعمى هاشم حبوبتك بكيتها نامن شكلها حتجينى التركومه ودعتك الله

رقيتون :
تسلمي يا رقيتون..
الابيات التي تحدثتي عنها تذكرني بقصيدة الشاعر أزهري محمد علي (سلامات يا زول يا رائع) والتي عاتب فيها صديقه مصطفي سيد احمد على رحيله المبكر (في وقت إحتياج الشعب السوداني والبسطاء له) ـ لا أذكر كامل القصيدة ولكن أذكر منها هذه الأبيات المتفردة والتي يصور ويشرح فيها تعامل مصطفي سيداحمد مع إحتضارة الطويل وكيف تمكن من هزيمة الموت: وطالع طالع للملكوت
كنت تدندن آخر نص لحنتو
بتشرح سر الغنا للموت
أيضاً هناك شيء عجيب ومتفرد في قول شاعرتنا في رثاء شقيقة زوجها : وفعلاً عندها اسلوب وتخريجات خاصة وهي شاعرة مجيدة ومتفردة .. (وشوفي هذا العتاب الشفيف لصديقتها .. وكأنها أحست أن صديقتها غدرت بها عندما رحلت في وقت إحتياجها.. كأنما تفاجأت ولم تتوقع ذهابها المبكر) .. ولكنها تشير إلى نوع من التواصل بالرغم من حادثة الموت (لم ترحل.. فقط بعدت عليها المشاوير) وربما كانت تشير إلى مشاوير الحياة الطويلة المريرة التي اعتادت أن تستند فيها على صديقتها لتقلل من المرارة وطول المسافة..
ابيات عجيبة وفريدة فيها شجن وحنين ورقة وعتاب خصوصاً حين تقول..يا البعدتي على المشاوير
يا اختي خرباني ودار رحيل
أيضاً ما قالته في رثاء زوجها :
ودايراك لي حديثي الهام كأنما تشير إلى أنها فقدت المشورة والرأي الصائب ,, فهي لا تتخذ قراراً أو تخطو خطوة إلا بموافقته كما تشير إلى إحساسها بالطمأنينة بعد مناقشته في ما اسمته بحديثها الهام.
تسلمي يا رقيتون .. وأحياناً في حزن يستمر مع الانسان طوال حياته (لا ينسى) كحزنك على صديقتك وهذا نوع من الوفاء ويدل على أنك انسانه بها قدر كبير من المشاعر ومقدرة عالية على المنح. وهذا يميز بعض الناس وليس كل الناس..
على كل حال انا ما بأخليك تمرقي مننا ساكت : اليك هذه الأبيات هدية مقدمك الميمون وطلتك الجميلة علينا.. لعلها تخفف من حزنك على صديقتك:قال شاعرهم:
يالمشيرقية الفي المرون
حلوة تتلبك في السنون
ناس فريقك سو العيون
كل زولاً شركو مدفون

وقال شاعرهم :
العجو البشيل أتهرس
ما بحمل لو كان أكلو مص
البعيد بلدك للمحس
الريال من اتنين نقص

أبو قصي
08-13-2007, 08:55 AM
سلااااااااااااااااام يا شباب

وهاكم دي من ود عبد العزيز

شيخي حمدتو يا يابا الجزولي
وعراقاب نوري لا ود الكاروري
أنا بعد ما كت رايق وجنبي حوري
عاكسني الدهر وقلب أموري
بقت سفريتي ما بين كرمة وكوري
كفاية معاكسات يا أزمة غوري
متين يا الجاهلة تركبي في بابوري
وأقوم بك رحلة بين البركل ونوري

وقال :

شبه وعسوم خبارن لا تجيبو
وأنا طريت البركل البعجب دليبو

وقال :

كان مشيت عسوم بجيب لي خروف كرامة
وداير أقابل الوالدة من خوف الندامة

وعليكم الله شوفوا داير أقابل الوالدة من خوف الندامة دي ، بالله عليكم ما بتكره الواحد الغربة الطالت وما لاقين ليها آخر دي .. عليك رحمة الله يا ود عبد العزيز .

فوتكم بي عافية ... وبرجع لكم تاني

أبو قصي

رقيتون
08-13-2007, 08:16 PM
رقيتون :
تسلمي يا رقيتون..
الابيات التي تحدثتي عنها تذكرني بقصيدة الشاعر أزهري محمد علي (سلامات يا زول يا رائع) والتي عاتب فيها صديقه مصطفي سيد احمد على رحيله المبكر (في وقت إحتياج الشعب السوداني والبسطاء له) ـ لا أذكر كامل القصيدة ولكن أذكر منها هذه الأبيات المتفردة والتي يصور ويشرح فيها تعامل مصطفي سيداحمد مع إحتضارة الطويل وكيف تمكن من هزيمة الموت: وطالع طالع للملكوت
كنت تدندن آخر نص لحنتو
بتشرح سر الغنا للموت
أيضاً هناك شيء عجيب ومتفرد في قول شاعرتنا في رثاء شقيقة زوجها : وفعلاً عندها اسلوب وتخريجات خاصة وهي شاعرة مجيدة ومتفردة .. (وشوفي هذا العتاب الشفيف لصديقتها .. وكأنها أحست أن صديقتها غدرت بها عندما رحلت في وقت إحتياجها.. كأنما تفاجأت ولم تتوقع ذهابها المبكر) .. ولكنها تشير إلى نوع من التواصل بالرغم من حادثة الموت (لم ترحل.. فقط بعدت عليها المشاوير) وربما كانت تشير إلى مشاوير الحياة الطويلة المريرة التي اعتادت أن تستند فيها على صديقتها لتقلل من المرارة وطول المسافة..
ابيات عجيبة وفريدة فيها شجن وحنين ورقة وعتاب خصوصاً حين تقول..يا البعدتي على المشاوير
يا اختي خرباني ودار رحيل
أيضاً ما قالته في رثاء زوجها :
ودايراك لي حديثي الهام كأنما تشير إلى أنها فقدت المشورة والرأي الصائب ,, فهي لا تتخذ قراراً أو تخطو خطوة إلا بموافقته كما تشير إلى إحساسها بالطمأنينة بعد مناقشته في ما اسمته بحديثها الهام.
تسلمي يا رقيتون .. وأحياناً في حزن يستمر مع الانسان طوال حياته (لا ينسى) كحزنك على صديقتك وهذا نوع من الوفاء ويدل على أنك انسانه بها قدر كبير من المشاعر ومقدرة عالية على المنح. وهذا يميز بعض الناس وليس كل الناس..
على كل حال انا ما بأخليك تمرقي مننا ساكت : اليك هذه الأبيات هدية مقدمك الميمون وطلتك الجميلة علينا.. لعلها تخفف من حزنك على صديقتك:قال شاعرهم:
يالمشيرقية الفي المرون
حلوة تتلبك في السنون
ناس فريقك سو العيون
كل زولاً شركو مدفون

وقال شاعرهم :
العجو البشيل أتهرس
ما بحمل لو كان أكلو مص
البعيد بلدك للمحس
الريال من اتنين نقص

وليدنا صلاح شكر ا لهذه الابيات الحلوة زى المشرق تسلم

بعد ماودعتنى مشكور حلفت مااسافر قبل ما اديك هديه تصبيره قبل ما اسافر للبلد وامشى فوق نيلنا اقيف فوق الجروف واغنى

نارى ياسبروق الجرف
القى سته وستين حرف
ونارى ياسبروق الجرف
والقى ست بصلات واقرف
ونارى ياسبروق الجرف
لك تحياتى

ضمره بغدادي
08-17-2007, 10:53 AM
من اغانى بنده

بالله نظرة ياست عرفة الممرضه
ساعة القطر صفر وانا كنت فى خطر
حا ولت القيام سندتنى الممرضه
وابقى ليكى انا منديل وابقى ليكى انا بشكير
وفوقى الدموع تسيل من خد الممرضه


ومن اغنياته

اجمل صدف انا يوم لا قيتو اديتو السلام حييتو

وآ سف لعدم الحفظ

عبد العظيم الطاهر
08-19-2007, 09:19 AM
شكراً للتواصل والإهتمام ..
كثير من الشعر أندثر لعدم التوثيق.. وما زال الكثير في صدور الرواة ويمكن جمعه في هذا الموقع ـ على كل حال سأحاول القيام بتوثيق كل ما يتوفر لي.
أتوقع أن الموقع نفسه يأخذ من وقتك الكثير.. وهي بالتأكيد مسألة متعبة بالإضافة لمشاغلك الشخصية.. وفي نظري أنك قدمت خدمة كبيرة للمنطقة وحا يجي يوم تكتشف فيه ضخامة العمل المنجز ..

وشكراً ،،

الاخ صلاح ... لك التحايا والتجلة وأنت تغوص في درر التراث .. الجميل المحبب الى النفس والذي تستشعر فيه الاصالة والصدق وعدم التكلف ..ومهمة توثيقة قطعاً ليست بالمهمة السهلة فهي بلا شك تحتاج تفرغا تاما ومتابعة دقيقة لأن المنطقة وأقصد منطقة الشايقية تعج بالكثيرين من النوابغ المبدعين والذين يستحقون عن جدارة التوثيق لهم ..وفعلاً هناك الكثير من شعر التراث الذي إندثر ... فمثلاً :-

هذه الاغنية :-


كفارة البيك يزول = كفارة البيك يزول آ جاهلي
يابا ود حاج بحر العلوم = من هناك وأنزل أب دوم
إن ما لقيت المراكب = بالبحر عوم
آ جاهلي كفارة البيك يزول =:D:D

ضمره بغدادي
08-19-2007, 12:27 PM
الاخ صلاح ... لك التحايا والتجلة وأنت تغوص في درر التراث .. الجميل المحبب الى النفس والذي تستشعر فيه الاصالة والصدق وعدم التكلف ..ومهمة توثيقة قطعاً ليست بالمهمة السهلة فهي بلا شك تحتاج تفرغا تاما ومتابعة دقيقة لأن المنطقة وأقصد منطقة الشايقية تعج بالكثيرين من النوابغ المبدعين والذين يستحقون عن جدارة التوثيق لهم ..وفعلاً هناك الكثير من شعر التراث الذي إندثر ... فمثلاً :-

هذه الاغنية :-


كفارة البيك يزول = كفارة البيك يزول آ جاهلي
يابا ود حاج بحر العلوم = من هناك وأنزل أب دوم
إن ما لقيت المراكب = بالبحر عوم
آ جاهلي كفارة البيك يزول =:D:D




الاخ عبد العظيم الطاهر مشكور ........ زكرتنا ايام الربوع والناس يتلملمو عند الرادى ويرجو يالنعام ويابلاص ويابنده ويااااحليل اولى

على محجوب جعفر
08-20-2007, 10:16 AM
مااروعك اخ صلاح وانت تؤرخ فهذا شئ عظيم
ومااروع الشاعره وهى تقول حبيبه الليل الطويل ودايما يطول الليل مع المرض والهموم فهى تقاسمها هذا الليل
ومااروع الشاعره وهى تقول للوالدة بعد ان رحلت للخرطوم

حلبل الحاجى ام على = ام جورن ينطرى

أبو قصي
08-26-2007, 05:36 AM
طريت الودعو ورفعوا السقالي
يا حليلو القامبو عثمان رحمه ساهربو الليالي
مروي وقف قصاد الاسبتالي
ومرقو البوسته حكومة وأهالي
رويس تنقاسي فاتو مرور طوالي
وصفر في القرير فرحو الأهالي
ولاد حسب الله ورزيق الجمالي
بايت في المقل طاهر حكى لي
ومبيتكم في المقل تب ما بقالي
أنا داير أجيب لك ناقة أبزيد الهلالي
الدرب سنتين تسوي تلات ليالي

ورحم الله ود عبد العزيز